Дьокуускайга Элбэх функциялаах дьиэ кэргэн киинэ арылынна

Ааспыт нэдиэлэҕэ Дьокуускайга «Берегиня» Дьиэ кэргэҥҥэ оҕону иитиигэ көмөлөһөр киин базатыгар Элбэх функциялаах дьиэ кэргэн киинэ арылынна.

Биир этээстээх эрээри уопсайа 431 кв. м. уопсай иэннээх дьиэҕэ дьахтар аймахха социальнай-реабилитационнай, чэбдигирдэр өҥөнү оҥорор «Сардана» кабинет, ийэ буоларга бэлэмнэнээччилэргэ аналлаах тренажернай хос, ийэ уонна оҕо, эрдэҕэс оҕолор хосторо, итиэннэ аҥаардас аҕаларга аналлаах «Аҕам уонна мин» кулууп үлэлииллэр.

Бэлиэтээн эттэххэ, Саха Өрөспүүбүлүкэтэ 2022 сыллаахха дойдуга бастакынан Үлэ уонна социальнай сайдыы министиэристибэтин пилотнай бырайыагар киирэн, бастакы маннык Киин быйыл сыл саҥатыгар Чурапчы уонна Нам улуустарыгар үлэҕэ киирбитэ, сыл бүтүөр диэри өссө биир Киин Мииринэй оройуонугар арыллара күүтүллэр, диэн СӨ үлэ уонна социальнай сайдыы министиэристибэтигэр иһитиннэрэллэр.