Дьокуускайга Дьиэ кэргэн күнүнэн бастыҥ уопсастыбанньык ыаллары чиэстээтилэр
![Дьокуускайга Дьиэ кэргэн күнүнэн бастыҥ уопсастыбанньык ыаллары чиэстээтилэр](https://kiinkuorat.ru/wp-content/uploads/2024/05/2u29gJUmEL.jpg)
Дьиэ кэргэн күнүнэн ыам ыйын 15 күнүгэр буолан ааспыт «Дьоллоох дьиэ кэргэн – дьоллоох куорат» тэрээһиҥҥэ Олохтоох дьаһалтаҕа куорат уопсастыбаннай олоҕор көхтөөх кыттыыны ылар ыаллары чиэстээтилэр.
Араас таһымнаах тэрээһиннэргэ Дьокуускай куорат аатын чиэстээхтик көмүскүүр бастыҥ ыаллары Куорат дууматын бэрэссэдээтэлэ Альберт Семенов, куорат баһылыгын солбуйааччы Наталья Степанова, Уопсастыбаннай сибээскэ уонна дьиэ кэргэн, ыччат политикатыгар управление салайааччыта Денис Диодоров эҕэрдэлээтилэр.
Куорат баһылыгын социальнай боппуруостарга солбуйааччы Наталья Степанова элбэх оҕолонуу судаарыстыба өттүттэн элбэх өрүттээх өйөбүлү ыларын, онно эбии балаҕан ыйын 1 күнүттэн элбэх оҕолоох ыаллар оҕолоро оскуолаҕа босхо итии аһылыгынан хааччыллыахтарын бэлиэтээтэ.
Бу күн куорат бастыҥ уопсастыбанньык ыалларыгар Олохтоох дьаһалта Махтал суруктарын, Эҕэрдэ аадырыстарын туттардылар. Ол курдук, «Аҕа күрэҕэ-2024» өрөспүүбүлүкэтээҕи күөн күрэс муниципальнай түһүмэҕин кыайыылаахтара Октябрьскай уокуруктан Бувайсар уонна Владислав Беляевтары, Киин уокуруктан Алтан уонна Александр Лебедевтэри, «Бастыҥ дьиэ кэргэн-2024» өрөспүүбүлүкэтээҕи күрэх номинацияларын муниципальнай түһүмэҕин кыайыылаахтара Оксана уонна Александр Павловтары, Ульяна уонна Спиридон Скрябиннары, Галина уонна Айсен Сидоровтары чиэстээтилэр.
Мустубут дьону Мэҥэ Хаҥаластан Елизавета уонна Герман Неустроевтар, эстрада ырыаһыттара Милена Борисова уонна Аделина Готовцева эҕэрдэлээтидэр, диэн Олохтоох дьаһалта пресс-сулууспата иһитиннэрэр.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)