22.04.2021 | 11:49

Дьокуускайга быйыл хаһааҥҥытааҕар да элбэх суол өрөмүөннэнэр

Дьокуускайга быйыл хаһааҥҥытааҕар да элбэх суол өрөмүөннэнэр
Ааптар: Киин Куорат

Быйыл Саха сиригэр уопсайа 264, 41 км суол оҥоһуллар. Онтон 48, 29 км – Дьокуускай куоракка.

Муус устар 19 күнүгэр Тырааныспар уонна суол хаһаайыстыбатын министиэристибэтигэр пресс-конференция ыытылынна.

Миниистир Владимир Сивцев “Куттала суох, хаачыстыбалаах суоллар” национальнай бырайыак чэрчитинэн быйыл ханна, туох үлэ ыытылларын кэпсээтэ, сүрүн уларыйыылары, саҥа хайысхалары билиһиннэрдэ. Бу сылга былаан хаачыстыбалаахтык уонна кэмигэр толоруллуо диэн эттэ.

Дьокуускай куорат баһылыга Евгений Григорьев иһитиннэрбитинэн, 2021 сылга киин куоракка национальнай бырайыак чэрчитинэн 44 эбийиэккэ үлэ ыытыллар. Онтон алтата – Винокуров, Ильменскэй,  Можайскай, Труд, Бабушкин уул. уонна Ленин проспега – көһө сылдьар эбийиэктэр. Быйыл бу уулуссаларга инженернэй ситимнэри көһөрүөхтэрэ, суолу бэлэмниэхтэрэ. Аспааллааһын 2022 сылга былааннанар.

Евгений Николаевич социальнай суолталаах эбийиэктэргэ тиэрдэр суолларга болҕомто ууруллубутун тоһоҕолоон эттэ. Итиэннэ быйыл хаһааҥҥытааҕар да үгүс үлэ күүтэрин бэлиэтээтэ. Биллэн турар, суол үлэтин кэмигэр кэккэ хааччахтааһыннарга бэлэм буолуохтаахпыт. Баһылык куорат олохтоохторугар туһаайан: “Бу көстүү быстах кэмҥэ буоларын өйдүүргүтүгэр көрдөһөбүт. Барыта тапталлаах куораппыт туһугар”, – диэтэ.

“Эхо столицы” хаһыат суруналыыһа Аркадий Лебедев куорат баһылыгыттан Ленин проспегын хапытаалынай өрөмүөнэ хаһан саҕаланарын сураста. “От ыйын саҕаланыыта”, – диэтэ Евгений Николаевич. Бэлиэтээн эттэххэ, бу эбийиэккэ былааннаммыт үлэ 2023 сылга түмүктэниэхтээх.   

Пресс-конференция кыттыылаахтара суол тутуутугар нэһилиэнньэ санаата учуоттанарын, уопсастыбанньыктар үлэ хаачыстыбатын хонтуруоллуурга быһаччы кыттыыны ылалларын тоһоҕолоон эттилэр.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.