Дьокуускайга балык бородууксуйатын быыстапка-дьаарбаҥката буолуоҕа

Тэрээһиҥҥэ тыа хаһаайыстыбатын  кооперативтара, арктическай улуустар общиналара, балык бородууксуйатынан дьарыктанар предпринимателлэр уо.д.а. кыттыахтара.

Тэрийээччилэр – Тыа хаһаайыстыбатын министиэристибэтэ уонна Балыгынан дьарыктанар хаһаайыстыбалар ассоциациялара.

«Саха сирин балыга» быыстапка-дьаарбаҥка балыгынан дьарыктанар хаһаайыстыбалары уонна чааһынай оҥорон таһаарааччылары өйүүр сыаллаах тэриллэр. Бүгүҥҥү күҥҥэ тыа хаһаайыстыбатын  дьаарбаҥкалара нэһилиэнньэ атыылаһарын көҕүлүүллэр. Куорат олохтоохторо хаачыстыбалаах, сибиэһэй бородууксуйаны намыһах сыанаҕа оҥорон таһаарааччылартан атыылаһар кыахтаналлар», - диэтэ Тыа хаһаайыстыбатын миниистирэ Александр Атласов.

Быыстапка ыалдьыттарын киэҥ далааһыннаах култуурунай бырагыраама уонна атыылаһааччыларга бириистэри оонньотуу күүтэр.