16.09.2021 | 18:10

Дьокуускайга Бүтүн Арассыыйатааҕы биэриэпискэ бэлэмнэнии ыытыллар

Дьокуускайга Бүтүн Арассыыйатааҕы биэриэпискэ бэлэмнэнии ыытыллар
Ааптар: Киин Куорат

Киин куоракка быйыл алтынньы 15 күнүттэн сэтинньи 14 күнүгэр диэри ыытыллыахтаах Бүтүн Арассыыйатааҕы биэриэпискэ бэлэмнэнии бара турар. Хас биирдии уокурукка уонна куорат таһынааҕы нэһилиэнньэлээх пууннарга биэрэпис учаастактара оҥоһулуннулар, биэрэписчиктэр ахсааннара чуолкайданар, аадырыстаах хаһаайыстыба сааһыланар. 
Октябрьскай уокурукка 15 биэрэпис учаастага бэлэмнэммит, ааҕар-суоттуур учаастакка 83, оттон стационарнай учаастакка 12 биэрэписчик уонна 12 хонтуруоллуур киһи ылыллара былааннанар. Бу уокурук территориятыгар 358 дьиэ, ол иһигэр 240 таас, 32 элбэх кыбартыыралаах мас уонна 86 чааһынай дьиэлэр бааллар. Үс дьиэ саҥа тутуллубут. Бүтүн Арассыыйатааҕы биэриэпис-2010 дааннайдарынан уокурукка 40 824 киһи олороро биллибит. Нэһилиэнньэ биэрипиһин чэрчитинэн аадырыстар чуолкайданаллар, Инстаграм, Whatsapp социальнай ситимнэр нөҥүө нэһилиэнньэҕэ информация тиэрдиллэр. 
Сайсары уокуругар 12 биэрэпис учаастага оҥоһуллубут, манна 93 биэрэписчик, 13 хонтуруоллааччы үлэлиэхтэрэ. Уокурук территориятыгар 586 дьиэ баар, 39 000 киһи олорор. Буолуохтаах биэрэпис туһунан нэһилиэнньэ сэрэтиллибит. 
Гагарин уокуругар 6 биэрэпис учаастага үлэлиэҕэ, стационарнай учаастактарга 6, суоттуур учаастакка 41 биэрэписчик уонна  6 хонтуруоллааччы биэрэпиһи ыытыахтара. Уокурукка 26 424 киһи үлэлиир. 2021 сыл атырдьах ыйын 31 күнүгэр 144 элбэх кыбартыыралаах, 1291 чааһынай дьиэ, 970 СОТ уонна ДСК бааллар. Нэһилиэнньэ социальнай ситимнэр нөҥүө сэрэтиллибит. 
Табаҕа сэлиэнньэтигэр биир биэрэпис учаастага баар, онно 6 биэрэписчик үлэлиэҕэ. Табаҕа территориятыгар 98 элбэх кыбартыыралаах, 480 чааһынай дьиэлэр бааллар. Нэһилиэнньэ ахсаана чуолкайданар. Олохтоохтор социальнай ситимнэр нөҥүө сэрэтиллибиттэр. 
Кангалаас дьоҕус оройуонугар биир биэрэпис учаастага үлэлиэхтээх, 4 биэрэписчик ылыллыбыт. Кангалаас территориятыгар 568 дьиэ баар, 45 элбэх кыбартыыралаах, 87 чаһыынай дьиэлэр бааллар. 2021 сыл тохсунньу 1 күнүнээҕи дааннайдарынан манна 1701 киһи олорор.
Марха дьоҕус оройуонугар 2 биэрэпис учаастага бэлэмнэммит, 35 биэрэписчик уонна 6 хонтуруоллааччы үлэлиирэ былааннанар. Мархаҕа 254 элбэх кыбартыыралаах дьиэ, 7340 хаһаайыстыба, 3052 даача, саад учаастактара, 89 саҥа тутуллубут дьиэлэр бааллар. 2021 сыл балаҕан ыйын 1 күнүнээҕи туругунан манна 18 304 киһи олорор. Нэһилиэнньэҕэ сырдатыы үлэ балаҕан ыйын 20 күнүттэн саҕаланыахтаах. 
Бүтүн Арассыыйатааҕы биэриэпискэ бэлэмнэнии туһунан Дьокуускай куорат Уокуруктааҕы дьаһалтатын сайтыгар билсиэххитин сөп (https://yakutskcity.ru/project/vserossiyskaya-perepis-naseleniya/).
Бүтүн Арассыыйатааҕы биэриэпис-2020 быйылгы сылга көһөрүллэн алтынньы 15 күнүттэн сэтинньи 14 күнүгэр диэри ыытыллыахтаах. Дьиэлэринэн сылдьалларыгар биэрэписчиктэр анал бырагыраамалаах планшеттары туттуохтара. Итини сэргэ дьон биэрэпиһи учаастактарга кэлэн, ол иһигэр судаарыстыбаннай өҥөлөрү оҥорор элбэх функциялаах кииннэргэ уонна «Мои документы» муниципальнай өҥөлөргө ааһыахтарын сөп. 
Бүтүн Арассыыйатааҕы биэрэпис барыллаан түмүгэ 2022 сыл муус устар ыйыгар тахсыаҕа. Бүтэһиктээх түмүк 2022 сыл IV кыбаарталыгар тахсар. Бу иннинэ нэһилиэнньэ биэрэпиһэ 2002 уонна 2010 сылларга ыытыллыбыт. 2021 сылга биэрэпиһи ыытыы туһунан быһаарыныыны РФ бырабыыталыстыбата 2020 сыл сайыныгар ылыммыта.

Сонуннар

Ордук ааҕаллар

Саха АССР 100 сылыгар – 100 оптуобус
Сонуннар | 11.10.2021 | 16:30
Саха АССР 100 сылыгар – 100 оптуобус
Саха АССР төрүттэммитэ 100 сылын көрсө өрөспүүбүлүкэ Дьокуускай куоракка уонна  оройуоннарга уопсастыбаннай тырааныспары саҥардара былааннанар. Бырайыак оробуочай аата – «Саха АССР 100 сылын көрсө 100 оптуобус».  «Кэлэр нэдиэлэҕэ тырааныспар Министиэристибэтин уонна Дьокуускай куорат Уокуруктааҕы дьаһалтатын бииргэ үлэлээһиннэрин түмүгэ тахсан, өрөспүүбүлүкэ газомоторнай оттукка сылдьар оптуобустары аҕалар туһунан сөбүлэҥҥэ илии баттыаҕа», –...
Соһуччу булт
Сынньалаңңа | 11.10.2021 | 16:00
Соһуччу булт
Оҕо сылдьан сарсыарда уһуктаат, таһырдьа ойон тахсар дьикти идэлээх этим. Хайдах халлаан буолбутун билэ охсоору дуу, күнү көрө охсоору дуу буолуо, арааһа. Оннук биир күннээх сайыҥҥы сарсыарда эрдэ туран сыһыыга киирэн, күрүө үрдүгэр хатаастан, куолубунан сыһыы уҥуорун, халлааҥҥа дьирибинии турар күөрэгэйи, сыһыыга мэччийэр ынахтары-сылгылары көрө-истэ олордум. Арай ынахтар ортолоругар дьиибэ...
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Сонуннар | 13.10.2021 | 10:00
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Алтынньы 4 күнүттэн Саха сирин территориятыгар Бүтүн Арассыыйатааҕы нэһилиэнньэ биэрэпиһин контролердарын үөрэтии ыытыллар. Муниципальнай оройуоннар контролердарыгар үөрэтии онлайн эрэсииминэн, «Дьокуускай куорат» уонна «Жатай» куораттааҕы уокуруктарыгар – очнай көрүҥүнэн диэн иһитиннэрэр СӨ Федеральнай судаарыстыбаннай статистика сулууспатын Территориальнай уоргана.  Нэдиэлэ саҥатыттан контролердар Дьокуускай куорат таһынааҕы нэһилиэнньэлээх пууннарга, куорат уокуруктарыгар уонна  «Жатай» куораттааҕы...
Хаппыыстаны араастаан астыахха
Тускар туһан | 11.10.2021 | 13:00
Хаппыыстаны араастаан астыахха
Беконнаах хаппыыста Састааба: 1 орто хаппыыста; 3 ост. нь. мас арыыта (эбэтэр оливковай арыы); туус; хара биэрэс; бекон. Хаппыыста тас сэбирдэхтэрин ылабыт, сууйабыт. Түөрт аҥыы хайытан бысталыыбыт. Кытаанах төрдүн быһан ылан быраҕабыт. Хас биирдии чааһын аҥаардыыбыт уонна духуопка илииһигэр сааһылаан уурабыт. Үрдүгэр арыыны таммалатабыт, туустуубут-тумалыыбыт. Бекон ломтиктарын аҥаардыыбыт уонна хаппыыстабыт...