06.09.2022 | 12:00

Дьокуускайга бөҕү араарар ыстаансыйа тутуллуоҕа

Уһук Илини уонна Арктиканы сайыннарыы корпорацията уонна «Айылҕа» хампаанньа ВЭФ-2022 дьыалабыай бырагырааматын чэрчитинэн Дьокуускайга бөҕү мунньар, араарар ыстаансыйаны тутар инвестиционнай бырайыакка илии баттастылар диэн иһитиннэрдэ СӨ баһылыгын уонна бырабыыталыстыбатын пресс-сулууспата.
Дьокуускайга бөҕү араарар ыстаансыйа тутуллуоҕа
Ааптар: Киин Куорат

Докумуоҥҥа Уһук Илини уонна Арктиканы сайыннарыы корпорациятын дириэктэрэ Сергей Скалий уонна «Айылҕа» хампаанньа дириэктэрэ Владимир Сыромятников илии баттаатылар. Ыстаансыйа сылга 150 тыһыынча тонна кытаанах бөҕү араарар, талар кыахтаах. Тэрилтэ Дьокуускай куорат кытаанах бөҕүн 100% суордунан арааран, туһаҕа тахсарын талан ылыаҕа. Бырайыакка кытаанах бөхтөн уматыгы оҥорон таһаарар кыах баара этиллэр. Бөҕү араарар ыстаансыйа өрөспүүбүлүкэҕэ аан бастаан «Экология» национальнай бырайыак «Комплексная система обращения с твердыми коммунальными отходами» регионнааҕы бырайыагын чэрчитинэн, Бүлүүлүүр суол 8-с килэмиэтиригэр тутуллуоҕа.

«Бу бырайыак өрөспүүбүлүкэҕэ стратегическай суолталаах. Ыстаансыйа көмөтүнэн өрөспүүбүлүкэ үрдүнэн хомуллар кытаанах бөх 50%-нын арааран, иккистээн туһаҕа таһаарыахпыт. 2030 сылга диэри кытаанах бөх 100%-н наардыыр буолуохпут», - диэн эттэ ОДьКХ, энергетика миниистирэ Вячеслав Емельянов.

«Билигин бырайыактыыр-сметалыыр экспертизаҕа докумуоннары бэлэмнээһини түмүктээн эрэбит. Ыстаансыйаны 2023 сыл 3-с кыбаарталыгар киллэрэри былаанныыбыт. Бырайыакпыт ирбэт тоҥҥо тутуллубут аан бастакы бөҕү араарар эбийиэгинэн буолуоҕа. Итиэннэ бөхтөн иккистээн оҥорон таһаарыы экономикаҕа да туһалаах буолуоҕа, социальнай эппиэтинэс да үрдүөҕэ. Саҥа үлэ миэстэтин таһааран 90-ча киһини үлэлэтиэхпит», - диэн иһитиннэрдэ «Айылҕа» хампаанньа дириэктэрэ Владимир Сыромятников.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.