09.01.2024 | 13:00

Дьокуускайга ааспыт сылга 30 км кэриҥэ усталаах суол оҥоһулунна

Дьокуускайга ааспыт сылга 30 км кэриҥэ усталаах суол оҥоһулунна
Ааптар: Киин Куорат
Бөлөххө киир

Ааспыт 2023 сылга «Куттала суох уонна хаачыстыбалаах суоллар» нацбырайыагынан өрөспүүбүлүкэ киин куоратыгар уулусса-суол ситимин 18 эбийиэгэр 29, 5 км усталаах суол тутулунна уонна өрөмүөннэннэ. Ол иһигэр 71 тыһ. кв/м тротуар тэлгэннэ уонна 3, 35 км уу халдьата оҥоһулунна.

Ленин проспегын хапытаалынай өрөмүөнэ Хабаров уулуссатыттан Краснояров уулуссатыгар диэри кэрчиккэ толору оҥоһулунна.

Маны сэргэ хапытаалынай өрөмүөн Кузьмин уулуссатыгар (1 учаастак), «Севернай» кыбаарталга (1-кы уочарат), Бабушкин уулуссатын Сэбиэскэй Аармыйа 50 сыла уулуссаттан Очиченко уулуссатыгар диэри кэрчигэр, Челюскин уулуссатын Сэбиэскэй Аармыйа 50 сыла уулуссаттан Беринг уулуссатыгар диэри кэрчигэр, Островскай, Центральнай, Строительнай уулуссаларга уонна Табаҕа бөһүөлгин Комсомольскай уулуссатыгар түмүктэннэ.

Поярков уулуссатын Дзержинскэй уулуссатыттан Октябрьскай уулуссаҕа диэри учаастага, Аржаков уулуссатын Чернышевскай уулуссатыттан Киров уулуссатыгар диэри кэрчигэ, «Хочо», СОТ муостаттан эргийэр балаһааккаҕа диэри кэрчигэ, Марха Ветеранскай, Сыырдаах Кымньыылаах, Тулагы Первомайскай, Совхознай уонна Строительнай уулуссалара, «Тускул» дьоҕус оройуон Ситим уулуссалара өрөмүөннэннилэр.

Социальнай тэрилтэлэргэ киирэр суоллары ирдэбилгэ эппиэттиир гына оҥорууга дьоһун болҕомто уурулунна. Ол курдук, Покровскай тракт, 8 км турар оҕо сэллик санаторийыгар уонна Петр Алексеев уулуссатыгар үлэлиир Хаан тутар ыстаансыйаҕа киирэр суоллар тупсарылыннылар.

«Главстрой» иһитиннэрэринэн, «Куттала суох уонна хаачыстыбалаах суоллар» бырайыагынан 2023 сылга уопсайа 1070 устуука уулусса лаампата ыйаммыт, 531 уот остуобата туруоруллубут, 41, ол иһигэр 10 сылаас оптуобус тохтобула оҥоһуллубут, 38 сиринэн сатыы дьон уулуссаны туорууругар аналлаах миэстэ олохтоммут, 19 светофор, 2112 суол бэлиэтэтэ о.д.а. туруоруллубут.

Санатар буоллахха, Ленин проспегын икки өттүнэн уопсайа 5 км усталаах бэлисипиэт суола оҥоһуллар, проспект таһынан 9 тыһ. кв/м иэннээх сир — массыына парковкатыгар, 15 тыһ. кв/м иэннээх сир күөх зонаҕа тыырыллан тураллар.

Ити курдук, «Куттала суох уонна хаачыстыбалаах суоллар» бырайыак көмөтүнэн 2019 сылтан Дьокуускай куоракка уопсайа 163 км усталаах суол оҥоһулунна. Онон үүммүт 2024 сылга куорат уулусса-суол ситимин 80% ирдэбилгэ хоруйдуур турукка киириэҕэ.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!