Дьокуускайга 950 л тахса итирдэр утах былдьанна

Киин куорат икки маҕаһыыныгар полиция 950 л тахса итирдэр бородууксуйаны көҥүллэммэт бириэмэҕэ атыылаабыттарын иһин тутта. Ол туһунан регионнааҕы Ис дьыала салаатын пресс-сулууспата иһитиннэрдэ. 
Үөһээ этиллибит маҕаһыыннар Автодорожнай уонна Беринг уулуссаларыгар бааллар. Участковайдар итирдэр утахтары сокуоннайа суох уонна быраабыланы кэһэн туран атыылаабыттарын туһунан боротокуоллары РФ КоАП үс ыстатыйатынан толорбуттар. 
Итини таһынан, ПДН инспектордара Горькай, Клара Цеткин уонна Дежнев уулуссаларыгар баар маҕаһыыннарга, сокуоннай саастарын ситэ илик оҕолорго итирдэр утахтары атыылаабыт үс түбэлтэлэрин арыйбыттар.  Атыыһыттары 30-тан 50 тыһыынча солкуобайга диэри, маҕаһыын бас билээччилэрин 100-тэн 200 тыһыынча солкуобайга диэри ыстарааптар күүтэллэр.