10.01.2022 | 12:00

Дьокуускайга 337 ыт тутулунна

Дьокуускайга 337 ыт тутулунна
Ааптар: Киин Куорат
Бөлөххө киир

Киин куоракка 2021 сыл ахсынньы 29 күнүттэн 2022 сыл тохсунньу 8 күнүгэр диэри  337 ыт тутулунна, итинтэн 70 – Автодорожнай уокуруктан. Тутуллубут ыттар бары дьэллик кыыллары быстах болдьоххо тутар пууҥҥа тиксэриллибиттэр. Бу туһунан Олохтоох дьаһалта пресс-сулууспата иһитиннэрдэ. 
Санатар буоллахха, куорат баһылыга Евгений Григорьев быһаарыытынан, тохсунньу 6 күнүттэн Олохтоох дьаһалта бары структурнай салааларыгар үрдүк таһымнаах бэлэм эрэсиимэ дьэллик ыттары кытта сибээстээх быһыы-майгы оннун булуор диэри уһатыллыбыта. 
Көрүүтэ-истиитэ суох ыттары тутарга Олохтоох дьаһалта структурнай салааларын исписэлиистэрэ, ИДьМ, ЫБММ Управлениеларын сотрудниктара, ветеринария Департамена уонна дьэллик кыыллары быстах болдьоххо тутар пуун үлэлэһэллэр. 
Очиченко уул., 57 баар дьэллик кыыллары быстах болдьоххо тутар пууну кэҥэтии үлэтэ күүскэ ыытыллар. Ахсынньы 29 күнүттэн пуунтан ыттары уулуссаларга таһаарыы тохтотулунна.
Бүгүҥҥү күҥҥэ ыттары тутууга 32 киһи уонна 11 тиэхиньикэ үлэлиир, 10 бөлөх тутар, 2 бөлөх тиэйэр. Олохтоох дьаһалта структурнай салааларын ити хайысханан ыытар үлэтэ „Кыылларга эппиэтинэстээх сыһыан туһунан“ сокуоҥҥа олоҕурар.  
Ахсынньы 30 күнүттэн Биир кэлим дьуһуурунай-диспетчерскэй сулууспа иһинэн дьэллик ыттары тутарга олохтоохтортон суһал информацияны хомуйар сыаллаах төгүрүк суукканан үлэлиир киин арыллыбыта.
Ахсынньы 29 күнүттэн Дьокуускайга үрдүк таһымнаах бэлэм, онтон Автодорожнай уокурукка ыксаллаах быһыы-майгы эрэсиимнэрэ киирбиттэрэ. ИДьМ, ЫБММ сулууспалара уонна Олохтоох дьаһалта структурнай салаалара бары бииргэ күүстэрин түмэн үлэлииллэр.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...