22.06.2021 | 13:00

Дьокуускайга 2024 сылга 1500 миэстэлээх оскуола аһыллара былааннанар

Дьокуускайга 2024 сылга 1500 миэстэлээх оскуола аһыллара былааннанар
Ааптар: Киин Куорат

2022 сылга 1500 миэстэлээх саҥа оскуола тутуута саҕаланара уонна 2024 сылга үлэҕэ киирэрэ былааннанар диэн уокуруктааҕы дьаһалта пресс-сулууспата иһитиннэрэр.  
Саҥа оскуола Гагарин уокуругар, Кузьмин уулуссатын 28 нүөмэригэр тутуллуоҕа. Билиҥҥи туругунан, куорат тутуутун уонна тырааныспарын Департамена сир учаастагын докумуоннарын тутууга уонна  ВЭБ.РФ госкорпорация чэрчитинэн Арассыыйа үөрэҕириигэ министиэристибэтиттэн субсидияны ыларга сайаапка бэлэмниир.  


Нэдиэлэ аайы ыытыллар үөрэҕирии тэрилтэлэрин кэрийии кэмигэр, куорат баһылыга Евгений Григорьев дьаһалта уонна туһааннаах министиэристибэлэр оскуола тутулларынан сибээстээн, икки элбэх кыбартыыралаах мас дьиэ олохтоохторун көһөрөргө үбүлээһин боппуруоһун быһаара сылдьалларын бэлиэтээтэ. 
Ону сэргэ баһылык 38 №-дээх орто оскуоланы бөҕөргөтөр уонна чөлүгэр түһэрэр үлэни бэрэбиэркэлээтэ. Манна микросыбаайалары туруораллар, ис-тас истиэнэлэрин бөҕөргөтөллөр. Үөрэх дьыла саҕаланыар диэри өрөмүөн үлэтэ бүтүөхтээх. Үлэ муус устар ыйтан саҕаламмыт. Ити кэмтэн үөрэх бүтүөр диэри үөрэнээччилэр 30 уонна 24 №-дээх оскуолаларга үөрэммиттэр.

Сонуннар

Ордук ааҕаллар

Саха АССР 100 сылыгар – 100 оптуобус
Сонуннар | 11.10.2021 | 16:30
Саха АССР 100 сылыгар – 100 оптуобус
Саха АССР төрүттэммитэ 100 сылын көрсө өрөспүүбүлүкэ Дьокуускай куоракка уонна  оройуоннарга уопсастыбаннай тырааныспары саҥардара былааннанар. Бырайыак оробуочай аата – «Саха АССР 100 сылын көрсө 100 оптуобус».  «Кэлэр нэдиэлэҕэ тырааныспар Министиэристибэтин уонна Дьокуускай куорат Уокуруктааҕы дьаһалтатын бииргэ үлэлээһиннэрин түмүгэ тахсан, өрөспүүбүлүкэ газомоторнай оттукка сылдьар оптуобустары аҕалар туһунан сөбүлэҥҥэ илии баттыаҕа», –...
Соһуччу булт
Сынньалаңңа | 11.10.2021 | 16:00
Соһуччу булт
Оҕо сылдьан сарсыарда уһуктаат, таһырдьа ойон тахсар дьикти идэлээх этим. Хайдах халлаан буолбутун билэ охсоору дуу, күнү көрө охсоору дуу буолуо, арааһа. Оннук биир күннээх сайыҥҥы сарсыарда эрдэ туран сыһыыга киирэн, күрүө үрдүгэр хатаастан, куолубунан сыһыы уҥуорун, халлааҥҥа дьирибинии турар күөрэгэйи, сыһыыга мэччийэр ынахтары-сылгылары көрө-истэ олордум. Арай ынахтар ортолоругар дьиибэ...
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Сонуннар | 13.10.2021 | 10:00
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Алтынньы 4 күнүттэн Саха сирин территориятыгар Бүтүн Арассыыйатааҕы нэһилиэнньэ биэрэпиһин контролердарын үөрэтии ыытыллар. Муниципальнай оройуоннар контролердарыгар үөрэтии онлайн эрэсииминэн, «Дьокуускай куорат» уонна «Жатай» куораттааҕы уокуруктарыгар – очнай көрүҥүнэн диэн иһитиннэрэр СӨ Федеральнай судаарыстыбаннай статистика сулууспатын Территориальнай уоргана.  Нэдиэлэ саҥатыттан контролердар Дьокуускай куорат таһынааҕы нэһилиэнньэлээх пууннарга, куорат уокуруктарыгар уонна  «Жатай» куораттааҕы...
Хаппыыстаны араастаан астыахха
Тускар туһан | 11.10.2021 | 13:00
Хаппыыстаны араастаан астыахха
Беконнаах хаппыыста Састааба: 1 орто хаппыыста; 3 ост. нь. мас арыыта (эбэтэр оливковай арыы); туус; хара биэрэс; бекон. Хаппыыста тас сэбирдэхтэрин ылабыт, сууйабыт. Түөрт аҥыы хайытан бысталыыбыт. Кытаанах төрдүн быһан ылан быраҕабыт. Хас биирдии чааһын аҥаардыыбыт уонна духуопка илииһигэр сааһылаан уурабыт. Үрдүгэр арыыны таммалатабыт, туустуубут-тумалыыбыт. Бекон ломтиктарын аҥаардыыбыт уонна хаппыыстабыт...