25.06.2021 | 13:00

Дьокуускай Уопсастыбаннай палаатата киин куорат аатын уларытыыны өйөөбөтө

Дьокуускай Уопсастыбаннай палаатата киин куорат аатын уларытыыны өйөөбөтө
Ааптар: Киин Куорат

Бэс ыйын 24 күнүгэр ыытыллыбыт Дьокуускай Уопсастыбаннай палаататын мунньаҕар норуот депутата Павел Ксенофонтов киин куорат аатын Туймаада диэн уларытарга этиитин ырытта. 
Аһаҕас кэпсэтии быһыытынан Уопсастыбаннай палаата чилиэннэрэ араас санааларын үллэһиннилэр. Мунньах түмүгүнэн Павел Ксенофонтов куорат аатын уларытар туһунан көҕүлээһинэ өйөбүлү ылбатах. Ол туһунан куорат уокуруктааҕы дьаһалтатын пресс-сулууспата иһитиннэрэр. 


«Биһиги бэйэбит тус санаабытыгар уонна уопуппутугар эрэ буолбакка, эксперт-историктар уонна кыраайы үөрэтээччилэр аптарытыаттаах этиилэригэр өйөнөбүт, кинилэр куорат аатын уларытары утараллар. Биһиги өйдөбүлбүтүнэн Дьокуускай диэн – куорат төрүттэниэҕиттэн, 390 кэриҥэ сыл анараа өттүгэр иҥэриллибит историческай аата буолар. Аата уларыйарыгар административнай-быраап өттүттэн мэһэйдэри уонна үп-харчы өттүттэн сүҥкэн улахан ороскуоту этэ да барбаппын», - диэтэ Дьокуускай куорат Уопсастыбаннай палаататын бэрэссэдээтэлэ Андрей Высоких. 
«Итини сэргэ „Туймаада“ брендин туризм уонна култуура сайдыыларын эйгэтигэр, бизнескэ уонна логистикаҕа, духуобунай-култуурунай сомоҕолоһууга Табаҕаттан саҕалаан Кангалаас тумулугар диэри туттуохха сөп», - диэн түмүктээтэ Андрей Высоких.

Сонуннар

Ордук ааҕаллар

Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Аар Саарынтан алгыстаммыт Күн Сандаара
Дьон | 04.12.2022 | 16:00
Аар Саарынтан алгыстаммыт Күн Сандаара
Кэлиҥҥи сылларга айылҕаттан айдарыылаах, олоххо ураты көрүүлээх, тарбахтарыгар талааннаах, илиилэринэн илбийэн эмтиир сахалыы эмчиттэри хаһыаппытыгар үгүстүк сырдатан кэллибит. Бүгүн мин биир дойдулаахпын, алгысчыт, сахалыы эмчит Саргылаана Винокурова-Күн Сандаараны билиһиннэриэхпин баҕарабын.  Күн Сандаара Нам улууһун Салбаҥ нэһилиэгиттэн төрүттээх. Ол гынан баран өр сылларга Сунтаарга олорбут буолан, Сунтаарын ордук чугастык саныыр.   Кулгаахпар...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Рево Алексеев:  «Саха киһитэ ыра сатыа суохтаах!»
Дьон | 08.12.2022 | 09:00
Рево Алексеев: «Саха киһитэ ыра сатыа суохтаах!»
Орто саастаах дьон үлэттэн сылайдаҕына, хаһан биэнсийэҕэ тахсабыт диэн өрө тыыналлар. Оттон бүгүҥҥү ыалдьыппыт Рево Захарович Алексеев 85 хаарыгар үктэнэн да баран күн бүгүҥҥэ диэри мууһура үлүйбүт киһини быыһыырга олоҕун анаабыт үлэтигэр — Дьокуускайдааҕы научнай-чинчийэр кииҥҥэ түбүгүрэ сылдьар. Бэйэтин сааһыгар лаппа эдэрчи көрүҥнээх, саастаах киһи диэтэххэ, үчүгэйдик көрөр-истэр, сорох кырдьаҕас...