Дьокуускай уонна Нерюнгри табыгастаах куораттарынан ааттаннылар

Арассыыйа Тутууга уонна олох-дьаһах коммунальнай хаһаайыстыбатыгар министиэристибэтэ уонна ДОМ.РФ сайдыы института 2020 сылга куорат эйгэтигэр хаачыстыба индексин түмүгүн таһаардылар. Манна дойду 1116 куоратын хас да бөлөххө арааран, нэһилиэнньэтин ахсаанын уонна килиимэтин усулуобуйатын учуоттаан сыаналаатылар.

Дьокуускай “табыгаһа суох килиимэттээх улахан куораттар” ахсааннарыгар киирдэ уонна алтыс миэстэҕэ таҕыста. Өрөспүүбүлүкэ киин куората 2019 сыллаахха 133 баалы ылбыт эбит буоллаҕына, бу сырыыга көрдөрүүтүн тупсарбыт – 181 бааллаах.

Нерюнгри орто уонна кыра куораттар бөлөхтөрүгэр 20 бастыҥ иһигэр киирдэ. Уопсайа 181 баалы хомуйда.