31.03.2021 | 10:05

Дьокуускай – “Тотальнай диктант” киинэ

Дьокуускай – “Тотальнай диктант” киинэ
Ааптар: Киин Куорат
Бөлөххө киир

Бэҕэһээ «Эрмитаж» Судаарыстыбаннай музей сүрүн штабыгар Санкт-Петербург “Тотальнай диктант” эстафетатын Дьокуускай куоракка туттарар үөрүүлээх тэрээһинэ буолан ааста.

Муус устар 10 күнүгэр буолар аахсыйаҕа 60 дойду кыттар баҕатын биллэрбитэ. Онон аан дойду үрдүнэн 2000 балаһаакка үлэлиэҕэ. 

“Дьокуускай 2013 сыллаахха аан бастакытын “Тотальнай диктаҥҥа” кыттыбыта. Онно баара-суоҕа 2 балаһаакка үлэлээбитэ, 750 киһи диктаны суруйбута. Ааспыт аҕыс сыл устата 8 тыһыынчаттан тахса өрөспүүбүлүкэ олохтооҕо кытынна”, – диэн кэпсээтэ “Тотальнай диктант”  Дьокуускайдааҕы штабын бэрэстэбиитэлэ Саргылана Неустроева.

Бу күннэргэ Таба суруйуу бэстибээлэ ыытыллыаҕа. Дьокуускайга ааттаах-суоллаах учуонайдар, экспертэр, биллэр-көстөр уопсастыбаннай деятеллэр кэлиэхтэрэ. Дьон-сэргэ кутун-сүрүн туппут суруйааччы Андрей Геласимов ааҕааччылардыын көрсүөҕэ, саҥа кинигэтин сүрэхтэниитэ буолуоҕа. Таба суруйуу киинэ арыллыаҕа. Бэстибээл бырагырааматыгар лекциялар, маастар-кылаастар киирдилэр. 

Сыл аайы ыытыллар аахсыйаҕа сааһыттан, социальнай балаһыанньатыттан тутулуга суох, ким баҕалаах кыттар. Быйылгы диктант тиэкиһин ааптара – Дмитрий Глуховскай. Үгэс быһыытынан суруйааччы айымньытын бэйэтэ ааҕыаҕа.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...