07.06.2021 | 10:52

Дьокуускай суол тутуутун бырагырааматын көмүскээтэ

Дьокуускай суол тутуутун бырагырааматын көмүскээтэ
Ааптар: Киин Куорат

Куорат баһылыга Евгений Григорьев Москва куоракка «Росавтодор» Федеральнай суол агентствотын сүбэ мунньаҕар кыттан,  «Куттала суох, хаачыстыбалаах суоллар» национальнай бырайыак чэрчитинэн 2022-2024 сылларга ыытыллыахтаах үлэ бырагырааматын көмүскээтэ. 
«Росавтодор» Федеральнай суол агентствотын салайааччыта Роман Новиков сүбэ мунньах бэрэссэдээтэлинэн буолла.  Саха сирин делегациятын бырабыыталыстыба бэрэссэдээтэлин бастакы солбуйааччы Дмитрий Садовников  салайда. Ону таһынан Саха сирин тырааныспарын министиэристибэтин уонна өрөспүүбүлүкэ бөдөҥ суол тэрилтэлэрин  салайааччылара кытыннылар.  
Санатар буоллахха, Дьокуускайга «Куттала суох, хаачыстыбалаах суоллар» национальнай бырайыак чэрчитинэн 2021-2024 сылларга 156,9 км суол үлэҕэ киириэхтээх. 4 сыллаах бырагыраамаҕа 9,9 млрд солкуобай ирдэнэр. 


Евгений Григорьев эппитинэн, куорат былааннара «Росавтодор» өттүттэн өйөбүлү ылбыттар, ол иһигэр эбии үбүлээһиҥҥэ эмиэ. 2022-2024 сылларга үлэни ыытарга сөбүлэһии бырайыага бэлэмнэнэ сылдьар. 
«Росавтодор» салалтатыгар, өрөспүүбүлүкэ бырабыыталыстыбатыгар суол өрөмүөнүгэр уонна тутуутугар үбүлээһини үрдэтэри өйөөбүттэрин иһин махтанабын. Национальнай бырайыак бары былааннара туолуохтара, суоппардар уонна сатыы дьон куорат суола тупсубутун көрүөхтэрэ диэн эрэнэбин», – диир куорат баһылыга.


Бэс ыйын 6 күнүттэн Евгений Григорьев өрөспүүбүлүкэ делегациятын састаабыгар киирэн, Татарстан өрөспүүбүлүкэтигэр Татарскай АССР төрүттэммитэ 100 сылын чэрчитинэн ыытыллар Саха Өрөспүүбүлүкэтин күннэригэр кыттар. Маны сэргэ, баһылык Казань куорат уопсастыбаннай тырааныспарга, куорат хаһаайыстыбатын сайдыытыгар сыһыаннаах бөдөҥ тэрилтэлэригэр сылдьан уопут атастаһыаҕа уонна муниципальнай тэриллиилэр икки ардыларыгар бииргэ үлэлээһин сөбүлэһиитигэр илии баттаһыаҕа.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...