15.11.2021 | 14:21

Дьокуускай Суһал штаба 372 эбийиэги бэрэбиэркэлээбит

Дьокуускай Суһал штаба 372 эбийиэги бэрэбиэркэлээбит
Ааптар: Киин Куорат
Бөлөххө киир

Сэтинньи 8 күнүттэн 14 күнүгэр диэри Суһал штаб холбоһуктаах бөлөхтөрө хааччахтааһын миэрэлэрин тутуһууну 372 эбийиэккэ бэрэбиэркэлээбиттэр, ол иһигэр 76 рейдэни түүҥҥү саататар сирдэргэ уонна 15 оптуобуска ыыппыттар. Ол туһунан киин куорат Административнай хамыыһыйатын бэрэссэдээтэлэ Феликс Антонов иһитиннэрдэ.
«Түүҥҥү рейдэлэргэ 76 саататар сирдэри бэрэбиэркэлээтибит. Үлэ эрэсиимин кэһии 5 түбэлтэтэ билиннэ – элбэх дьон мустуута, кальяны тардыы. Ол курдук, хааччахтааһын миэрэлэрин кэспиттэр ортолоругар «Чаплин Club» караоке-кулууп, «Daikiri» рестобар, «Олоҥхо» банкеттыыр саала, «GЕОГРАФИЯ» караоке-баар, Чкалов уул., 17 №-гэр баар көҥүлэ суох үлэлиир түүҥҥү кулууп (кулууптан биир үлэһит полицияҕа тиксэрилиннэ). Итини сэргэ, «Galaxy» култуурунай-сынньанар киин түүн үлэлиирэ билиннэ, бэрэбиэркэлээччилэргэ ааны аспакка эрэ, итиннэ сылдьааччылары саппаас аанынан таһаартаатылар», – диэн  Феликс Антонов иһитиннэрдэ уонна бэрээдэги кэһээччилэргэ РФ КоАП 20.6.1 ыстатыйатынан аакталар толорулуннулар диэн бэлиэтээтэ. 
Күнүскү рейдэлэр түмүктэринэн 15 хааччахтааһын миэрэлэрин кэһээччи биллибит, ол иһигэр 5 түүҥҥү тэрилтэлэргэ уонна 10 кэһии атыы, уопсастыбаннай аһылык, административнай уонна социальнай эбийиэктэргэ тахсыбыт. Салалта территориальнай уорганнарын исписэлиистэрэ уонна Уокуруктааҕы дьаһалта Суһал штабын холбоһуктаах бөлөхтөрө РФ КоАП 3.5. ыст. 10, 3.8 ыст. 10 уонна 6.25 ыст. 3 боротокуолу толорбуттар. РФ КоАП 20.6.1 ыстатыйатынан нэдиэлэ устата 23 боротокуол оҥоһуллубут. Бэрээдэги кэһии Автодорожнай, Гагаринскай, Губинскай, Октябрьскай, Строительнай уокуруктарга уонна  Марха дьоҕус оройуонугар тахсыбыттар. Гагаринскай, Октябрьскай, Строительнай, Киин уокуруктар уонна Марха эбийиэктэригэр сэрэтии бэриллибит.
Санатар буоллахха, куорат баһылыга Евгений Григорьев Административнай хамыыһыйаҕа уопсастыбаннай тырааныспарга коронавирус инфекциятын тарҕаппат сыаллаах бэрэбиэркэлэри күүһүрдэргэ сорудахтаабыта. 
СӨ Ил Дархана 2020 сыл муус устар 27 күнүнээҕи 1143 №-дээх Ыйааҕынан киллэриллибит санитарнай ирдэбиллэри уонна хааччахтааһын миэрэлэрин булгуччулаахтык тутуһуу эрэ коронавирус дьаҥа тарҕаныытын тохтотор кыахтаах.
Убаастабыллаах куорат олохтоохторо! Бэйэҕитин уонна чугас дьоҥҥутун харыстааҥ, уопсастыбаннай миэстэҕэ мааскалаах сылдьыҥ.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...