Дьокуускай сайдыылаах ураты индустриялаах куораттарга киирсибит

Үрдүкү Экономика Оскуолатын киһи кыаҕын чинчийэр Киинин исписэлиистэрэ куорат хайдах ураты индустрия киинэ буоларын ырыппыттар. Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ.
 Аналитиктар бэлиэтээбиттэринэн, айар хайысхалары сайыннарыы рейтинигэр 5 мөлүйүөннээх (миллионник) куораттар бааллар – Екатеринбург, Краснодар, Новосибирскай, Аллараа Новгород уонна Казань.
Креативнай индустриялар – куорат феномена, итиннэ үлэлиир нэһилиэнньэ 81% 100 тыһыынчаттан тахса киһилээх куораттарга, оттон 40,4% Москваҕа уонна Санкт-Петербурга олороллор. 
Креативнай индустрия киинэ буолуу историческай статустаах куораттарга бэлиэтэнэрэ этиллэр. Ол курдук, ити эйгэҕэ үлэлиир дьон Кострома, Ярославль, Ханты-Мансийск, Дьокуускай, Калининград, Белгород, Тула уонна Тобольскай куораттарга элбэхтэрэ бэлиэтэннэ.