«Дьокуускай олохтоохторун хараҕынан» куонкурус уонна «Вкусноград-2022» бэстибээл түмүктэрэ таҕыстылар

Бырааһынньыктааҕы бырагыраама чэрчитинэн Кыайыы болуоссатыгар «Дьокуускай олохтоохторун хараҕынан» хаартыска куонкуруһун уонна «Вкусноград-2022» бэстибээл түмүктэрэ таҕыстылар. Кыайыылаахтары куорат баһылыга Евгений Григорьев эҕэрдэлээтэ.

«Дьокуускай олохтоохторун хараҕынан» хаартыска куонкуруһа уонна «Вкусноград-2022» бэстибээл Куорат күнүн үтүө үгэһинэн буолла. Хас биирдии кыттааччыны көхтөрүн уонна куораппытыгар тапталларын иһин махтанабын», - диэтэ Евгений Григорьев.

«Дьокуускай олохтоохторун хараҕынан» хаартыска куонкуруһун «Якутск трудовой» номинациятыгар Валерия Николаева кыайыылааҕынан таҕыста.  «Лучшее архитектурное фото» номинацияҕа – Сергей Барахов, «Люди нашего города» –  Татьяна Антонова, «Лучшая репортажная фотография» – Туйаара  Потапова, «Взгляд в прошлое» – Иннокентий  Попов кыайдылар. Кыайыылаахтарга бытовой тиэхиньикэ атыылаһарга 20 000 солкуобай суумалаах сертификаттары туттардылар.

«Вкусноград-2022» бэстибээл «Высокое профессиональное мастерство» номинациятыгар кыайыылааҕынан «Атласовтар уһаайбалара» этнокомплекс таҕыста, «Самое оригинальное блюдо, изделие» номинацияҕа – Мария Фёдоровна Яковлева, «Блюдо или изделие, посвященное 390-летию города» – «Сладкие мечты» ХЭТ бастаатылар. Кыайыылаахтарга дипломнары уонна сертификаттары туттардылар.

Куорат күнүгэр сылын аайы саҥа ыал буолбуттары уонна үбүлүөйдээхтэри эҕэрдэлииллэр. Кинилэргэ куорат баһылыга өйдөбүнньүк бэлэхтэри туттарда. Итиэннэ Евгений Григорьев 55 сыл бииргэ олорбут Илья Гаврилович уонна Анна Федоровна Федоровтар дьиэ кэргэттэрин эҕэрдэлээтэ.