24.07.2021 | 10:22

Дьокуускай кыайыылаахтары уруйдуур

Дьокуускай  кыайыылаахтары уруйдуур
Ааптар: Иван Ушницкай
Бөлөххө киир

От ыйын 16 күнүгэр Дьокуускай администрациятыгар куорат хамаандатын Горнай улууска ыытыллыбыт  XXI-с «Манчаары оонньууларын» саха спордун көрүҥнэригэр кыайыылаахтарын уонна призердарын  чиэстээтилэр.

Кинилэргэ сертификаттары, махтал суруктары куорат баһылыга  Евгений Григорьев, киин куорат Думатын бэрэссэдээтэлэ Альберт Семенов уонна мэр солбуйааччыта – уокуруктааҕы администрация салайааччыта Руслан Тимофеев туттардылар.

Дьокуускай физическэй культураҕа уонна спортка Управлениетын начальнига  Константин Бурцев киирии тылыгар XXI-с «Манчаары оонньууларыгар» куорат спортивнай оскуолаларын иитиллээччилэрэ дьоһун түмүктэри ситиспиттэрин бэлиэтээтэ.

«Өскөтүн урут сахалыы көрүҥнэргэ үксүгэр улуустартан сылдьар спортсменнар бастакы сылдьар буоллахтарына, билигин куорат чиэһин киин куорат спортоскуолаларыттан тахсыбыттар көмүскээтилэр. Ордук үчүгэй көрдөрүүлэри мас тардыһыытыгар көрдөрдүлэр. Биһиги хамаандабыт хаһан да «Манчаары оонньууларыгар» 1 миэстэни ыла илигэ. Итини таһынан, Хатас, 1 №-дээх оҕо спортивнай оскуолара элбэх мэтээли ылбыттара үөрдэр. Ордук биһиги оҕолорбут хапсаҕайга ситиһиилэрин бэлиэтиэххэ наада, бириистээх миэстэлэргэ тигистилэр», - диэтэ кини.

Дьокуускай баһылыга Евгений Григорьев бары олохтоохтор уонна тус бэйэтин аатыттан киин куорат чиэһин  дьоһуннук көмүскээбиттэргэ махтанна.

«Сүдү махталбын төрөппүттэргэ, дьиэ кэргэннэригэр, чугас дьонноругар тиэрдэбин.  Эһиги үрдүк көрдөрүүлэргитинэн спорду албан аатырдаҕыт, ыраас, чөл олоҕу тарҕатаҕыт, инники көлүөнэҕэ холобур буолаҕыт. Туспа тутан кэрэ кыргыттарбыт уолаттартан хаалсыбакка өбүгэ оонньууларын уустуктарын туораабыттарын бэлиэтиибин», - диэтэ  Дьокуускай Думатын бэрэссэдээтэлэ Альберт Семенов истиҥ эҕэрдэтигэр.

Тренерскэй састаапка, тэрийээччилэргэ  Дьокуускай баһылыгын солбуйааччы, аппарат салайааччыта  Руслан Тимофеев махтанна.

Бэлиэтээн эттэххэ, Дьокуускай сүүмэрдэммит хамаандата  Бэрдьигэстээххэ ыытыллыбыт  ХХI-с «Манчаары оонньууларын»  түмүктэринэн II-с миэстэни ылла. 

Куорат  спортсменнара Спартакиадаҕа 10 көрүҥҥэ кытыннылар: чэпчэки атлетикаҕа, хапсаҕайга, мас тардыһыытыгар, национальнай многоборьеҕа, хотугу многоборьеҕа, сахалыы остуол оонньууларыгар, оҕунан уонна пневматическай бинтиэпкэнэн ытыыга, сахалыы ойууларга, уонна гиирэ спордугар.

16 спортсмен кыһыл көмүһү - Диана Адасько (чэпчэки атлетика - 100 м сүүрүү, кылыы уонна ыстаҥа, ону таһынан троеборье), Егор Гуляев (мас тардыһыы), Сергей Константинов (мас тардыһыы), Айтал Кириллин (эдэрдэргэ мас тардыһыы), Иван Степанов (уолаттарга мас тардыһыы), Михаил Петров, Виктор Новгородов (сахалыы остуол оонньуулара), Александр Иванов (хотугу многоборье, сүгэ быраҕыыта), Диана Тартакынова (национальнай многоборье, сүүрүү), Айсен Елисеев (национальнай многоборье), Василий Уйгуров, Алексей Некрасов (хапсаҕай), Елена Иванова (гиирэ спорда), Николай Копырин (чэпчэки атлетика (уолаттарга 10 000 м  сүүрүү), Анастасия Храмова (чэпчэки атлетика (кыргыттарга 100 м сүүрүү), Елена Мутовина (чэпчэки атлетика (кыргыттарга  5 000 м сүүрүү).

11 спортсмен үрүҥ көмүс мэтээли аҕаллылар, олор ортолоругар Артур Говоров хапсаҕайга, Мария Яковлева, Илья Егоров – гиирэҕэ, Дарья Добрынина сахалыы ыстаҥаҕа, Дарья Адасько -- куобах, Денис Слепцов, Артем Ветров мас-тардыһыытыгар, Александр Протопопов уолаттарга мас  тардыһыытыгар, Уолан Оконешников сахалыы остуол оонньууларыгар, Айыына Егорова сахалыы оҕунан ытыыга, Диана Тартакынова саха многоборьетыгар (мас тардыһыыта).

8 спортсмен боруонса мэтээллээхтэр - Никита Хабаров, Семей Ючюгяев хапсагайга, Алексей Носов чэпчэки атлетикаҕа (100 м сүүрүүгэ), Дарья Добрынина сахалыы –ыстаҥа, Александр Нечаев чэпчэки атлетика (100 м сүүрүү), Павел Черноградскай, Айлан Николаев мас тардыһыы уонна Павел Друзьянов национальнай многоборьеҕа.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...