Дьокуускай куораттааҕы Дуума сис хамыыһыйатын мунньаҕа ыытылынна

Мунньахха «Дьокуускай куорат» куорат уокуругун муниципальнай бырагыраамаларынан 2022 сыл 9 ыйыгар бүддьүөт туолуутун уонна быйылгы сыл төрдүс кыбаарталыгар баар былааннарынан информацияны Олохтоох дьаһалта Экэниэмикэҕэ уонна стратегическай былааннааһыҥҥа департаменын начаалынньыга Любовь Кузьмина иһитиннэрдэ.

Олохтоох дьаһалта Үпкэ департаменын начаалынньыга Ольга Максимова 2022 сыл 9 ыйыгар куорат уокуругун бүддьүөтүгэр киирбит нолуоктаах уонна нолуога суох дохуот уонна  быйылгы сыл төрдүс кыбаарталын  былааннарын, итиэннэ 2023 уонна былааннаммыт 2024-2025 сылларга куорат уокуругун бүддьүөтүн бэлэмнээһин хаамыытын туһунан сырдатта.

Итини таһынан, мунньахха «Ууттан быыһааһын Бүтүн Арассыыйатааҕы уопсастыбата» СӨ салаатын уопсастыбаннай быыһыыр пуостары үбүлээһин боппуруоһунан этиитэ көрүлүннэ. Тэрилтэ сэрэтэр үлэҕэ кинилэри үбүлээһиҥҥэ, чуолаан 203-с дьоҕус оройуоҥҥа, сатанар буоллаҕына  «Петуховка» диэн сиргэ эмиэ, быыһыыр пуоһу арыйарга куорат бүддьүөтүттэн сириэстибэ көрөргө этии киллэрдэ.

«Гражданскай оборона уонна ыксаллаах быһыы-майгы дьыалаларынан уонна баһаартан сэрэхтээх буолууну хааччыйар управление» МХТ салайааччыта Николай Егоров информациятынан, 2023-2027 сылларга муниципальнай бырагыраама бырайыага оҥоһуллубут. Бырайыак чэрчитинэн 2023 сылга, «Ууттан быыһааһын Бүтүн Арассыыйатааҕы уопсастыбата» СӨ салаатын оросчуотугар олоҕуран, үс пуос икки ыйдаах үлэтигэр 2,1 мөл солкуобай кээмэйдээх сириэстибэ көрүлүннэ.  

Мунньахха сис хамыыһыйа бэрэссэдээлэ Сергей Черных бэлиэтээбитинэн, ити боппуруоһунан этиилэр «Дьокуускай куорат» куорат уокуругун 2023 сыллааҕы бүддьүөтүн дьүүллэһии уонна ылыныы чэрчитинэн көрүллүөхтэрэ.