07.12.2022 | 11:00

Дьокуускай куораттааҕы Дуума аһымал аахсыйаҕа кытынна

Дьокуускай куораттааҕы Дуума дьокутааттара уонна аппараат сотрудниктара сылын аайы ыытыллар өрөспүүбүлүкэтээҕи «Үтүө санаа харыйата» аһымал аахсыйаҕа кытыннылар диэн Дуума пресс-сулууспата иһитиннэрдэ.
Дьокуускай куораттааҕы Дуума аһымал аахсыйаҕа кытынна
Ааптар: Киин Куорат
Бөлөххө киир

Дьокуускай куораттааҕы Дуума Бэрэссэдээтэлэ Альберт Семенов оҕолор баҕа санааларын толордо, ол курдук Автодорожнай уокурук олохтооҕо Миленаҕа уонна VIII-с көрүҥнээх 28-с №-дээх оскуола маҥнайгы кылааһын үөрэнээччитэ Василийга саҥа дьыллааҕы бэлэхтэри – остуол оонньуутун (футбол) уонна «Клуэдо» детективнэй оонньууну бэйэтэ үбүлээн атыыласта.

«Үтүө санаа харыйата» куорат олохтоохторугар үгэс буолбут аахсыйа. Үөрүүлээҕэ – аахсыйа чэрчитинэн бэлэхтэри быйыл оҕо дьиэлэрин уонна коррекциялыыр оскуолалар иитиллээччилэрин сэргэ анал байыаннай эпэрээссийэҕэ кыттааччылар оҕолоро эмиэ тутуохтара. Куораппыт биир даҕаны оҕото болҕомтото суох хаалыа суохтаах. Куорат олохтоохторун аахсыйаҕа кытталларыгар, оҕолорго саҥа дьыллааҕы дьиктини бэлэхтииллэригэр ыҥырабын», – диэтэ Альберт Семенов.

Аахсыйа чэрчитинэн оҕо дьиэлэрин, коррекциялыыр оскуолалар иитиллээччилэригэр уонна анал байыаннай эпэрээссийэҕэ кыттааччылар дьиэ кэргэттэригэр бэлэхтэри Дьокуускай куораттааҕы Дуума дьокутааттара уонна аппараат сотрудниктара бэлэмнээтилэр.

«Үтүө санаа харыйата» аахсыйаҕа ким баҕалаах кыттыан сөп. Итиннэ кыттарга оҕо аата суруллубут аккырыыкканы талыллар уонна киниэхэ анаан саҥа дьыллааҕы бэлэх ылыллар. Кыттааччы бэлэҕин кытта хаартыскаҕа түһэн баран социальнай ситимнэргэ #Елкадобра хештэгтээн угуон уонна эстафетаны доҕотторугар, чугас дьонугар биэриэн сөп.

Аахсыйа киин куоракка ахсынньы 31 күнүгэр диэри маннык маҕаһыыннарга ыытыллар: «Бубль Гум», Кальвица уул., 14/5, Дзержинскэй уул., 71, «Хозмаркет», Чернышевскай уул., 107/1.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.