23.11.2021 | 14:35

Дьокуускай куораттааҕы Дуума 34 сессия бэбиэскэтин бырайыагын бигэргэттэ

Дьокуускай куораттааҕы Дуума 34 сессия бэбиэскэтин бырайыагын бигэргэттэ
Ааптар: Киин Куорат
Бөлөххө киир

Президиум Дьокуускай куораттааҕы Дуумаҕа бырайыактар быһаарыылара уонна боппуруостары көрбүт сис хамыыһыйалар сүбэлэрэ киирбит сэтинньи 24 күнүгэр ыытыллыахтаах 34 сессия бэбиэскэтин бырайыагын бигэргэттилэр. Бу туһунан Дьокуускай куораттааҕы Дуума пресс-сулууспата иһитиннэрдэ. 
Бэбиэскэ бырайыагар «Дьокуускай куорат» куораттааҕы уокурук Устаабыгар уларыйыылары киллэрии, бүддьүөт сүрүн кээмэйдэрин бигэргэтии, сири туһаныы уонна куорат уокуругун тутуутун быраабылаларын туһунан нормативнай-быраап аакталарыгар уларытыылары киллэрии, хаһаайына суох баайы-дуолу муниципальнай бас билиигэ көһөрүү, муниципальнай дьиэ-уот хонтуруолун, муниципальнай баай-дуол приватизациятын бырагырааматын бигэргэтии боппуруостара көрүлүннүлэр.  
Итини кытта муниципальнай сир хонтуруолун туһунан нормативнай-быраап аакталарыгар уларытыылары киллэрии, ону сэргэ тупсарыы эйгэтигэр, автомобильнай тырааныспарга,  суол хаһаайыстыбатыгар, муниципальнай ойуур хонтуруолун туһунан, харабыл эйгэтигэр уонна куорат уокуругун олохтоох ураты суолталаах харыстанар айылҕа территорияларыгар, Дьокуускай куорат «Хонтуруоллуур-суоттуур палаататын Балаһыанньытыгар» уларыйыылар көрүлүннүлэр.
Итини таһынан Дьокуускай куораттааҕы Дуума «О структуре Окружной администрации города Якутска» быһаарыытыгар уларыйыылары киллэрии, Уокуруктааҕы дьаһалта цифровой сайдыытын Департаменын Балаһыанньатын бигэргэтии, түөскэ анньынар бэлиэлэр тустарынан уо.д.а. боппуруостар көрүлүннүлэр.  
Федеральнай сокуоҥҥа олоҕуран, Дьокуускай куорат Устаабыгар уларыйыы киллэрэр туһунан этии киирбит. 
Уокуруктааҕы дьаһалта быраапка Департаменын начаалынньыга Айаал Ноговицын быһаарбытынан, федеральнай сокуонунан муниципальнай үлэһиттэргэ чопчу хааччахтааһыннар көрүллэллэр.  Холобур, муниципальнай сулууспалаах омук судаарыстыбатын гражданина, олохтооҕо буолуо суохтаах, ол эрэн сорох доҕордуу дойдуларга көҥүллэнэр. Ити куорат баһылыгар, дьокутааттарга уонна сулууспалаахтарга сыһыаннаах. 
Итини сэргэ сессияҕа киин куорат 2022 сылга уонна былааннаммыт болдьоххо – 2023-2024 сылларга үбүлээһинин сүрүн докумуонун көрүөхтэрэ. 
Ол курдук, сабаҕалааһынан куорат бүддьүөтүн дохуота 2022 сылга 9 млрд. солк. тэҥнэһэр, ол иһигэр нолуоктан дохуот 8,6 млрд. солк. уонна нолуок дохуотуттан ураты 450 мөл. солк. Бүддьүөт ороскуота 9,3 млрд. солк. кэриҥэ, бүддьүөт дефицита – 272 мөл. солк. (3%).
Сергей Черных бэлиэтээбитинэн, Дьокуускай куораттааҕы Дуума бүддьүөт-экономика политикатыгар сис хамыыһыйаҕа ити бырайыагы өйүүр быһаарыы ылыныллыбыт. Кини эппитинэн, хамыыһыйа боротокуолугар Дьокуускай куорат Хонтуруоллуур-суоттуур палаататын сүбэлэрэ киллэриллибиттэр. Итини таһынан, оробуочай бөлөх тэриллэр, онно иккис ааҕыыга сүбэлэри ситэрэргэ Уокуруктааҕы дьаһалта уонна Дьокуускай куораттааҕы Дуума бэрэстэбиитэллэрэ киирэллэр. 
Итини сэргэ, сессияҕа Дьокуускай куораттааҕы Дуума сири туһаныы уонна куорат уокуругун тутуу, тупсарыы быраабылаларыгар, реклама конструкцияларын туруорууга уонна туттууга уо.д.а. нормативнай-быраап аакталарыгар уларытыылары киллэрии боппуруостара көрүллүөхтэрэ. 
Куораты тутууга уонна тырааныспар инфраструктуратыгар Департамент начаалынньыга Северина Архипова чуолкайдаабытынан, уларыйыылар 2021 сыл ыам ыйын 26 күнүнээҕи 150 №-дээх саҥа федеральнай сокуон реклама туһунан 19-с ыстатыйа уларыйыытыгар олоҕуран киирэллэр. Билигин таһынааҕы истиэнэлэргэ, дьиэлэр үрдүлэригэр звукотехническэй тэрилинэн тыастаах-уустаах рекламаны оҥорор көҥүллэммэт. Ол иһин видеороликтары саҥата суох көрдөрүөххэ сөп. 
Итини таһынан, тупсарыы быраабылаларын ыраастык тутуллуохтаах территориялар кыраныыссаларыгар  сыһыаннаах чааһыгар уларытыыны киллэрэр боппуруоһу көрүөхтэрэ. 
Президиумҥа 34 уочараттаах сессия бэбиэскэтигэр киллэрэргэ муниципальнай баай-дуол приватизациятын бырагырааматын бигэргэтии туһунан …

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...