22.04.2022 | 16:00

Дьокуускай куораттааҕы Дуума 200 сылыгар аналлаах экспозиция арылынна

Дьокуускай куораттааҕы Дуума 200 сылыгар аналлаах экспозиция арылынна
Ааптар: Киин Куорат
Бөлөххө киир

Олохтоох бэйэни салайыныы күнүгэр Аммосов уул., 1/1 №-гэр баар музейга Дьокуускай куорат бэрэстэбиитэллээх уоргана тэриллибитэ 200 сылыгар аналлаах «Выражая волю и интересы горожан» быыстапка үөрүүлээх аһыллыыта буолла. Бу туһунан Дьокуускай куораттааҕы Дуума пресс-сулууспата иһитиннэрдэ.
Экспозицияҕа   Дьокуускай куораттааҕы Дуума араас кэмнэргэ сайдыытын уонна атаҕар туруутун 200 сыллаах историята арылхайдык көрдөрүллэр. 
Быыстапкаҕа Дьокуускай историятын музейын пуондатыттан сэдэх экспонаттары көрүөххэ сөп. 
Дьокуускай куораттааҕы Дуума бэрэссэдээтэлэ Альберт Семенов бэлиэтээбитинэн, Олохтоох бэйэни салайыныы күнэ Арасыыйа бэрэсидьиэнэ Владимир Путин ыйааҕынан 2012 сыл бэс ыйын 10 күнүгэр олохтоммут.  


«Дьокуускай куорат бастакы бэрэстэбиитэллээх уорганын 200 сылын көрсө өрөспүүбүлүкэ Баһылыга  Айсен Николаев ыйааҕынан үбүлүөйдээх тэрээһиннэри бэлэмнээһин уонна ыытыы былаана бигэргэтиллибитэ. Түгэнинэн туһанан, куорат олохтоохторун, ордук үүнэр көлүөнэни Дьокуускай куорат бэрэстэбиитэллээх уорганын историятын экспозициятын кэлэн көрөргүтүгэр ыҥырабын. Историята суох инникибит суох диэн бары өйдүүбүт», — диэтэ Альберт Семенов.   
Экспозицияны оҥорорго үтүө суобастаах, таһаарыылаах  үлэлэрин, куорат уокуругун култууратын сайдыытыгар улахан кылааттарын иһин Дьокуускай куорат Дууматын Бочуоттаах грамотатын Альберт Семенов История музейын кылаабынай исписэлииһэ Наталья Кривогорницынаҕа уонна Махтал суругу музей дириэктэрэ  Александр Ноговицыҥҥа туттартаата.  Куорат баһылыгын солбуйааччы Руслан Тимофеев эҕэрдэ тылы эттэ уонна историятын өйдөөбөт норуот кэскилэ суоҕун бэлиэтээтэ. 
Дьокуускай куорат бэрэстэбиитэллээх уоргана тэриллибитэ 200 сылыгар аналлаах быыстапка 2022 сыл балаҕан ыйыгар диэри үлэлиэҕэ.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...