20.05.2024 | 12:46

Дьокуускай куорат саҥа дьиэлэрэ Уһук Илиҥҥэ бастыҥнарынан ааттаннылар

Дьокуускай куорат саҥа дьиэлэрэ Уһук Илиҥҥэ бастыҥнарынан ааттаннылар
Ааптар: Киин Куорат
Бөлөххө киир

Хабаровскай куоракка буолан ааспыт 27-ис «ДВ Зодчество — 2024» Уһук Илиннээҕи архитектура бэстибээлигэр Дьокуускай куорат кыбаарталларыгар тутуллубут дьиэлэр кыайыылааҕынан ааттаммыттар.
Ол курдук, «Архитектура жилых зданий и комплексов раздела постройки» номинацияҕа кыһыл көмүс дипломунан Бүлүүлүүр суол 3 км тутуллубут дьиэ бэлиэтэммит. Маҕаһыыннаах, үөрэх комплекстаах элбэх кыбартыыралаах дьиэ ааптарынан «ДСК-Проект» буолар. Байкалов уулуссатыгар тутуллубут дьиэ үрүҥ көмүс дипломунан наҕараадаламмыт, ааптар – «Горпроект» ХЭТ. Оттон «ЛСТК-Проект» ХЭТ 16-с кыбаарталга туппут дьиэтэ боруонса диплом хаһаайына буолбут. 
Саха сирин архитектордарын (Спартак Иванов, Николай Алексеев) Дьокуускайга Гастелло уулуссатыгар туппут комплекстара уонна 13-с кыбаарталга тутуллубут сылаас массыына туруорар сирдээх элбэх кыбартыыралаах дьиэлэрэ «Проекты» номинацияҕа эмиэ үрүҥ көмүс уонна боруонса дипломнарынан бэлиэтэммиттэр. 
Маны таһынан «Туйгун-проект» ХЭТ Сунтаар Кириэстээҕэр туппут «Саргы түһүлгэтэ» социальнай-култуурунай киинэ «Архитектура общественных зданий и комплексов» номинацияҕа үрүҥ көмүс диплом хаһаайына буолбут.
Итини сэргэ Саха сирин архитектордарын сойууһа, Ил Дархан иһинэн архитектураҕа уонна куораты тутууга управление уонна Куораты тутуу боппуруостарыгар компетенция киинэ «Якутия – взгляд в будущее» экспозияция иһин кыһыл көмүс мэтээлинэн бэлиэтэммиттэр. Экспозиция Саха сирин архитектордарын сойууһа тэриллибитэ 60 сылыгар анаммыт. 
Ити курдук архитектордарбыт бэстибээлтэн уопсайа 17 кыһыл көмүс, 37 үрүҥ көмүс уонна икки боруонса дипломунан уонна кыһыл көмүс мэтээлинэн наҕараадаланнылар, диэн иһитиннэрэр Ил Дархан уонна Бырабыыталыстыба пресс-сулууспата.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...