13.07.2021 | 10:00

Дьокуускай куорат хамаандата Спартакиадаҕа ситиһиилээхтик кытынна

Дьокуускай куорат хамаандата Спартакиадаҕа ситиһиилээхтик кытынна
Ааптар: Киин Куорат
Бөлөххө киир

«Манчаары Оонньуулара» XXI Спартакиадаҕа киин куорат хомуур хамаандалара күрэхтэһии түмүгүнэн II миэстэҕэ таҕыста. 
Хамаандалар уопсайа 10 көрүҥҥэ: чэпчэки атлетикаҕа, хапсаҕайга, мас тардыһыытыгар, национальнай многоборьеҕа, хотугу многоборьеҕа, национальнай остуол оонньууларыгар, ох саанан ытыыга, национальнай ыстаҥаҕа, пневматическай бинтиэпкэнэн ытыыга, гиревой спортка күрэхтэстилэр.
Дьокуускай хамаандатыгар куорат бастыҥ 60 спортсмена уонна 10 тренерэ киирбиттэр.
Түмүккэ куорат хамаандаларын миэстэлэрэ:
- чэпчэки атлетикаҕа – 1 миэстэ
- мас тардыһыытыгар – 1 миэстэ
- хапсаҕай – 3 миэстэ
- национальнай ыстаҥаҕа – 3 миэстэ
- национальнай остуол оонньууларыгар – 3 миэстэ
- ох саанан ытыыга – 4 миэстэ
- национальнай многоборьеҕа – 4-5 миэстэ
- гиревой спортка – 6 миэстэ
- пневматическай бинтиэпкэнэн ытыыга – 9 миэстэ
- хотугу многоборьеҕа – 10 миэстэ
Тус зачекка 16 спортсмен кыһыл көмүс мэтээллэргэ тигистилэр, кинилэр ортолоругар чэпчэки атлетикаҕа Диана Адасько (100 миэтэрэҕэ сүүрүү, кылыыга уонна ыстаҥаҕа) уонна троеборье сууматынан. Егор Гуляев, Сергей Константинов, Айтал Кириллин уонна Иван Степанов мас тардыһыытыгар, Михаил Петров, Виктор Новгородов национальнай остуол оонньууларыгар, Александр Иванов хотугу многоборьеҕа (сүгэни быраҕыыга), Диана Тартакынова национальнай многоборьеҕа (сүүрүү), Айсен Елисеев национальнай многоборьеҕа (тутум эргиир), Василий Уйгуров, Алексей Некрасов хапсаҕайга, Елена Иванова гиревой спортка, Николай Копырин чэпчэки атлетикаҕа (10 000 миэтэрэҕэ сүүрүүгэ), Анастасия Храмова чэпчэки атлетикаҕа (100 миэтэрэҕэ сүүрүүгэ), Елена Мутовина чэпчэки атлетикаҕа (5 000 миэтэрэҕэ сүүрүүгэ).


11 спортсмен үрүҥ көмүс мэтээллэргэ тигистилэр, кинилэр ортолоругар хапсаҕайга Артур Говоров, Мария Яковлева, Илья Егоров гиревой спортка, Дарья Добрынина национальнай ыстаҥаҕа троеборье сууматынан, Дарья Адасько национальнай ыстаҥаҕа – куобахха, Денис Слепцов, Артем Ветров, Александр Протопопов мас тардыһыытыгар, Уолан Оконешников национальнай остуол оонньууларыгар, Айыына Егорова ох саанан ытыыга, Диана Тартакынова национальнай многоборьеҕа (мас тардыһыыта).
8 спортсмен боруонса мэтээллээхтэр, кинилэр ортолоругар Никита Хабаров, Семей Ючюгяев хапсаҕайга, Алексей Носов чэпчэки атлетикаҕа (100 миэтэрэҕэ сүүрүү), Дарья Добрынина национальнай ыстаҥаҕа – ыстаҥа, Александр Нечаев чэпчэки атлетикаҕа (100 миэтэрэҕэ сүүрүү), Павел Черноградскай, Айлан Николаев мас тардыһыытыгар уонна Павел Друзьянов национальнай многоборьеҕа (многоборье сууматынан).
«Мас тардыһыытыгар ситиһиибит үөрдэр, уопсай хамаанданан бастакы миэстэҕэ таҕыстылар. Спартакиада устуоруйатыгар бу бастакы кыайыы. Хапсаҕайга хомуур хамаанда 3 миэстэҕэ тиксэн бу хайысханан сайдыы сөпкө баран иһэрин көрдөрдө», - диир физическэй култуураҕа уонна спортка Управление начаалынньыга Константин Бурцев.
Хомойуох иһин, Дьокуускай куорат хомуур хамаандалара Үөһээ Бүлүүгэ ыытыллыбыт «Манчаары оонньуулара-2017” Спартакиадаҕа курдук үрдүк ситиһиилэрин хатылаабатылар. Пневматическай бинтиэпкэнэн ытыыга киин куорат хамаандата 9 эрэ миэстэ буолла. 
Итини сэргэ хотугу многоборьеҕа уонна ох саанан ытыыга көрдөрүү намыһах.
«Манчаары Оонньуулара» XXI Спартакиадаҕа оройуоннар икки ардыларыгар ыытыллыбыт этноэстафетаҕа сэттэ улуус бэрэстэбиитэллэрэ, ХИФУ уонна киин куорат хамаандата кытыннылар. Усулуобуйа быһыытынан күрэххэ баһылыктар эбэтэр солбуйааччылар кытыннылар. 
Этноэстафетаҕа бастакы миэстэҕэ Чурапчы улууһа, иккискэ Горнай улууһа, үһүскэ куорат баһылыга Евгений Григорьев салайааччылаах хамаанда таҕыстылар. Бэлиэтээн эттэххэ, куорат баһылыктарыттан кини аан бастакынан спортивнай күрэхтэһиилэргэ кытынна.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!