Дьокуускай куорат дьаһалтата мобилизованнайдарга дьоһун өйөбүлү оҥорор

Анал байыаннай дьайыы кыттыылаахтара куорат баһылыгар инники кирбиигэ сылдьар буойуннарга квадроцикл, дрон, эмп-томп наадатын туһунан боппуруостары көтөхтүлэр, итиэннэ Дьокуускайга пропискалаах буойуннарга анаммат сир учаастарын биэрии болдьоҕун ыйыталастылар.
Дьокуускайдааҕы анал байыаннай дьайыы кыттыылаахтарын дьиэ кэргэттэрин өйүүр киин салайааччыта Туйара Колесова «Победа» пуонда нөҥүө үп хомулларын, буойуннарга гуманитарнай көмө оҥоһулларын. экипировка, анал тэрил, тиэхиньикэ ыытыыта салҕанарын иһитиннэрдэ.
Оттон анал байыаннай дьайыы кыттыылаахтара бэйэлэрин өттүлэриттэн инники кирбиигэ сылдьааччыларга квадроцикл, дрон, эмп-томп ордук наадатын ыйдылар. 
Дьокуускай куоракка пропискалаах мобилизованнайдарга Тулагы Киллэм нэһилиэгэр уонна Табаҕаҕа бэлэмнэммит сир учаастарын туһунан боппуруоска Евгений Григорьев учаастактары үллэрии  балаҕан ыйын эргин былааннанарын туһунан иһитиннэрдэ.
Көрсүһүү бүтүүтэ Евгений Григорьев мобилизованнайдарга Ил Дархан Айсен Николаев аатыттан саха быһахтарын бэлэх уунна.
Анал байыаннай дьайыыттан уоппускаҕа кэлэ сылдьар буойуннары кытта көрсүһүү Аҕа дойдуну көмүскээччи күнүн чэрчитинэн буолан ааста.