03.10.2020 | 09:40

ДЬОКУУСКАЙ БАСТЫҤ СКВЕРДЭРЭ

ДЬОКУУСКАЙ БАСТЫҤ СКВЕРДЭРЭ
Ааптар: Киин Куорат
Бөлөххө киир

Дьокуускай куоракка сыл ахсын саҥа эбийиэктэр тутуллан, дьон сэҥээриитин ылаллар. Кэнники кэмҥэ киин куоракка элбэх турист, сири-дойдуну үөрэтээччилэр кэлэллэрэ элбээтэ. Бүгүн Туймаада туонатын саамай кэрэхсэбиллээх уонна олохтоохтор таптаан сылдьар сквердэрин сырдатабыт.

ТЫЫЛ БЭТЭРЭЭННЭРИН УОННА СЭРИИ ТУЛААЙАХТАРЫН СКВЕРЭ

Бу сквер 2018 с. “Комфортная городская среда” бырайыагынан уонна киин куорат төрөөбүт күнүгэр арыллыбыта. “Киин” киинэ театрын кэннигэр турар буолан, ааһан иһэр киһи, оҕо, ыччат бары сөбүлээн сынньанан ааһаллар. Сквер ис тутула, идиэйэтэ, оҥоһуута олус тупсаҕай. Ааспыт алдьархайдаах уот сэрии кыттыылаахтарыгар, сэрии оҕолоругар, ис сүрэхтэн этиллэр алгыс тыллар ыйанан тураллар. Өссө саамай кэрэхсэбиллээҕэ диэн, ыскамыайка-хачыаллар бааллар. Бу дизайнер-архитектор Любовь Игнатьева ураты көрүүтүнэн, бырайыагынан олоххо киллэрбитэ.

ЛОНГИНОВ ААТА ҮЙЭЛЭРГЭ ХААЛАР

Аҕыйах хонуктааҕыта Саха Өрөспүүбүлүкэтин Судаарыстыбаннаһын күнүн бэлиэтээбиппит. Бу күн Сэбиэскэй Сойуус Геройа Владимир Лонгинов аатынан сквер үөрүүлээх тэрээһинэ буолан ааспыта. Сквер Дьокуускай Сайсары уокуругар турар. Мантан ыла дьон-сэргэ сөбүлээн сылдьар, сынньанар буолуоҕа.

Санатан эттэххэ, бу эбийиэк Бэтэрээннэр сэбиэттэрин туруорсуутунан тутулунна. Болуоссат иэнэ 400 миэтэрэҕэ тиийэр. Лонгинов бюһа боруонсанан кутуллубут, ааптара – Арассыыйа Худуоһунньуктарын сойууһун чилиэнэ Виктор Федоров. Кыайыы 75 сылыгар бу эбийиэк биир саамай киэн туттар тутуута буолла диэн ааҕааччыларбыт үллэстэллэр.

ДЬААМСЫКТАРГА ӨЙДӨБҮННЬҮК

Быйыл күһүн Дьокуускай күнүн көрсө, Залог оройуонугар Краснояров уонна Чернышевскай уулуссалар быһа охсуһууларыгар оҥоһулунна. Саҥа эбийиэккэ былаан быһыытынан аттаах дьаамсык скульптурата, хачыаллар  уонна атыы-эргиэн дьаарбаҥкатын балаһааккалара оҥоһуллуохтаахтар. Историяны сэгэтэн аастахха, дьаамсыктар баар буоланнар сибээс тохтообокко, тиһигин быспакка тиийиэхтээх сиригэр тиийэрэ, айанньыттар айанныыллара, сонун киэҥник тарҕанара.

ИЙЭҔЭ МАХТАЛ, ТАПТАЛ

Ийэҕэ аналлаах сквер, бука, Дьокуускай куорат биир саамай киэн туттар, биллэр скверэ. Сайсары күөлүн үрдүгэр турар ийэҕэ тапталы, сүгүрүйүүнү кэрэһилиир кэрэ-бэлиэ пааматынньык 2012 с. тутуллан үлэҕэ киирбитэ. Түөрт кырыылаах трапецияҕа сахалыы симэммит дьахтар оҕотун көтөҕөн турар уонна биир илиитинэн үс мохсоҕолу көтүтэн эрэр – Ийэ дойдуларыгар ытык иэстэрин төлүү барар уолаттар уобарастарын бэлиэтиир. Манна үксүн оҕолоох дьиэ кэргэн күүлэйдиир, сынньанар. Сквер куорат кииниттэн арыый тэйиччи турар буолан, куруук ыраас, бөх-сах мустубат. Ытык сирдэрбитин киртитимиэҕиҥ!

УЧУУТАЛ, ЭН ҮРДҮК ААККАР

Туймаада хочотун Ярославскай уулуссатын 32-гэр турар саха норуодунай учуутала Михаил Алексеев аатын сүгэр «Учуутал бульвара»  сквер куорат олохтоохторо уонна ыалдьыттара күннэтэ тоҕуоруһар сирдэригэр кубулуйда. Норуодунай учуутал үрдүк аатыгар-суолугар билиҥҥэ диэри кыраттан саҕалаан аҕам саастаахха тиийэ сүгүрүйэллэр. Кини – саха дьоно үөрэхтээх, үлэлээх, өйдөөх, мындыр толкуйдаах буолалларыгар быһаччы суолталаах киһи. Бульвар киэҥ-куоҥ. Уурбут-туппут курдук ыскамыайкалардаах, хачыаллардаах. Бу барыта Дьокуускай нэһилиэнньэтин олоҕо тупсарыгар, үөрүүтэ үксүүрүгэр ананар.

Сылтан сыл Дьокуускайбыт тупсан, дьон олороругар табыгастаах буолан иһэрин бары кэтээн көрөбүт. Олохпут сайдарыгар, элбэх үлэ ыытылларын туһугар олохтоохтор бары биир санаанан кыһаллыахтаахпыт. Уопсастыбаннай сирдэргэ ыраас, сырдык эйгэ үөскүүрэ биһигиттэн тутулуктаах. Тулабытын тупсарыаххайыҥ, Дьокуускайбыт историятын үөрэтиэххэйиҥ!

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...