26.10.2020 | 08:58

ДЬОКУУСКАЙ БАСТЫҤ ОРОЙУОННАРА

ДЬОКУУСКАЙ БАСТЫҤ ОРОЙУОННАРА
Ааптар: Киин Куорат

Киин куораппытыгар сыл ахсын араас моһуоннаах баараҕай тутуулар үлэҕэ киирэллэр. Бүгүн ааҕааччыларбытыгар Дьокуускай куорат бастыҥ, дьон олороругар табыгастаах оройуоннарын таһаарабыт.

Биһиги рейтиммит ааҕааччыны кытта сөпсөспөт буолуон сөп!

203-с МИКРООРОЙУОН

Биир саамай сырыылаах, киэҥ, элбэх дьонноох оройуоҥҥа кубулуйда. Дьиэлэр үрдүк мэндиэмэннээхтэр. Сыбаайата суох дьиэ манна олус элбэх. Ирбэт тоҥ үрдүгэр олоробут эрээри,  биһиэхэ да сыбаайата суох дьиэлэр тутуллаллар эбит. Манна, сүнньүнэн, эдэр ыаллар олороллор. Киһи олороругар туох баар усулуобуйа барыта тэриллэн турар. Саҥа оскуола, оҕо уһуйаана, Смарт-библиотека кытта баар. Куорат кииниттэн чугас буолан, сатыы сылдьарга бэртээхэй. Ол эрээри... аҕыйах сыллааҕыта саҥа оройуоммут үлэҕэ киирэрин саҕана дьиэлэр ууга былдьаныахтарын сөп диэбиттэрэ...

ДСК ЭРГИН

Бу эҥээр сайдыы балысханнык бара турар. Куорат бу диэки тутуллар диэтэхпинэ, бука сыыспаппын. Аҕыйах сыл иһигэр дьиэ бөҕө дьэндэйдэ, суол-иис, инфраструктура лаппа тубуста. Киһи олорор усулуобуйата барыта баар.  Манна үксүн элбэх оҕолоох ыаллар олороллор.

ПРОМЕТЕЙ

Кэнники кэмҥэ Автодорожнай уокурукка бастакы миэстэни быһаччы саҥа тутуулар ылаллар. Дьиэлэр 16-лыы этээскэ тиийэ буолаллар. Олохтоохтор этэллэринэн, киһи олороругар сөрү-сөп үһү. Дьиэлэр тас көстүүлэрэ, ис моһуоннара кытта уурбут-туппут курдук тупсаҕай. Манна сайыннары үлэлиир ыллыыр фонтан, оҕо балаһаакката баар. Саҥа дьиэлэр үлэҕэ киирэннэр, уокурук суоллара лаппа тубуста. Бэлиэтээн эттэххэ, манна саха дьонун ахсаана баһыйар.

САЙСАРЫ

Манна саамай эргэ дьиэлэр “Ёлочкаҕа” тураллар. Уокуругу киһи туох да диэбэт, икки сыл иһигэр саҥа дьиэ бөҕө киирдэ. Дьон, нэһилиэнньэ култуурата быдан үрдүк кэрдиискэ таҕыста. Камера элбээн, хонтуруол күүһүрэн, урукку сыллары кытта тэҥнээтээххэ, быдан атын оройуоҥҥа кубулуйда.

СЫННЬАЛАҤ ПААРКАТЫН ОРОЙУОНА

Манна сырыы сыыйыллар, атыы-тутуу кутуллар, олох-дьаһах эргийэр. Дьиэ сыанатын киһи манна чэпчэки диэбэт, ыарахан. Сайынын оҕо аймах пааркаҕа оонньуур, сынньанар. Хомойуох иһин, биэс сыл анараа өттүгэр тутуллан үлэҕэ киирбит дьиэлэргэ номнуо бомжтар буулаатылар дииллэр. Ол да буоллар, тустаах уорган үлэһиттэрэ бу кыһалҕаны кэмиттэн кэмигэр көрөннөр, бэрэбиэркэ ыыталлар.

КУОРАТ КИИНЭ

Дьоллоох Дьокуускай килбэйэр киинигэр олох күөстүү оргуйар. Дьиэ кэргэн, нэһилиэнньэ саастаах өттө олороругар соччо табыгаһа суох. Түүнүн, күнүһүн массыына тыаһа куугунас. Мин санаабар, эдэр ыччат, сулумах дьон олороругар үчүгэй. Аҕам саастаах дьон ыраас салгыннаах оройуоҥҥа биитэр куорат кытыытыгар тахсан чааһынай дьиэҕэ олороро ордук.

Чэ, ити курдук, куораппыт дьон олороругар табыгастаах оройуоннарын көрдүбүт. Аныгыс сырыыга куорат саамай кирдээх, мөлтөх оройуоннарын сырдатыахпыт.

Тапталлаах куораппыт ыраас буоларын туһугар кыһаллыах.

Сонуннар

Ордук ааҕаллар

Саха снайпера Пантелеймон Руфов
Дьон | 11.07.2021 | 11:30
Саха снайпера Пантелеймон Руфов
Пантелеймон Руфов Үөһээ Бүлүүттэн төрүттээх, Руфовтар иллээх  дьиэ кэргэттэригэр төрдүс уол оҕонон төрөөбүт. Кини билигин Рязань куоракка аармыйа генерала Василий Филиппович Маргелов аатынан воздушно-десантнай гвардейскай училищены бүтэрэн кэллэ. Бу саха оҕотугар олус сэдэх көстүү буоларынан сибээстээн эһиэхэ Пантелеймоннуун кэпсэтиибин таһаарабын. - Биэс сыллаах үөрэҕи бүтэрдим. Манна офицердар, спецназтар иитиллэн үөрэнэн...
Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Бары күүһү ойуур баһаардарын утары!
Сонуннар | 12.07.2021 | 11:30
Бары күүһү ойуур баһаардарын утары!
От ыйын 9 күнүгэр "Марха өрүс көмүскээччилэрин" түмсүүтэ Дьокуускай куорат общественниктарын, Ил Түмэн дьокутааттарын, СӨ бырабыыталыстыбатын, Дьокуускайдааҕы Дума, Общественнай Палата чилиэннэрин, суруналыыстары, блогердары, улуустар землячестволарын көҕүлээччилэрин, улуустар бэрэстэбиитэллэрин, бары тэрилтэ үлэһиттэрин кытта көрсөн Горнай, Ханалас уонна да атын улуустарга улахан ойуур баһаардара турбуттарынан, Бүлүү федеральнай суол кылгас кэмҥэ сабылла сылдьыбытынан...