18.06.2020 | 17:50

Дьокуускай Бүтүн Арассыыйатааҕы куоластааһыҥҥа бэлэмнэнэр

Дьокуускай Бүтүн Арассыыйатааҕы куоластааһыҥҥа бэлэмнэнэр
Ааптар: Киин Куорат
Бөлөххө киир

Бэс ыйын  25 күнүттэн от ыйын 1 күнүгэр диэри Арассыыйа Төрүт сокуонугар уларытыыны киллэриигэ куоластааһын ыытыллыаҕа. Быйыл санитарнай нуормаҕа хаһааҥҥытааҕар да улахан болҕомто ууруллуоҕа.

Дьокуускай куораттааҕы быыбардыыр хамыыһыйа бэрэссэдээтэлэ Алла Самойлова иһитиннэрэринэн, куоластааччыларга уонна үлэһиттэргэ коронавирус дьаҥыттан куттала суох буолуу бары миэрэлэрэ тутуһуллуоҕа.

“Учаастактарга киирэр ааҥҥа анал сириэстибэлээх көбүөр тэлгэниэҕэ. Дьон атаҕын соттон ааһыаҕа. Салгыы илиилэрин ыраастаныахтара. Хас биирдии киһи температуратын бэрэбиэркэлиэхтэрэ. Маны таһынан куоластыыр сирдэргэ дьон бэйэ-бэйэлэрин кытта алтыспаттарын, социальнай дистанцияны тутуһалларын курдук, анал бэлиэлэр баар буолуохтара. Быыбардааччыларга биирдэ туттуллар уруучука туттарыллыаҕа. Чааска 8-12 киһиттэн элбэх куоластааччы мустуо суохтаах”,  – диэтэ Алла Самойлова.   

Учаастактар бэс ыйын 25 күнүттэн сарсыарда 10 чаастан киэһэ 18.00 чааска диэри үлэлиэхтэрэ. От ыйын 1 күнүгэр сарсыарда 8 чаастан киэһэ 20.00 чааска диэри аһаҕас буолуохтара.

Киин куорат олохтоохторо бэйэлэрин учаастактарыгар  бэс ыйын 25 күнүттэн Бүтүн Арассыыйатааҕы куоластааһыҥҥа кыттыахтарын сөп. Бу күннэргэ олорор сиргититтэн ыраах сылдьар буоллаххытына, эрдэттэн сайабылыанньа суруйан, ханна баҕарар куоластыаххытын сөп.

“Учаастактар хамыыһыйалара бэс ыйын 16 күнүттэн үлэлэрин саҕалыахтара. Билигин куоластыаххытын баҕарар сиргитигэр тиийэн сайабылыанньаҕытын биэриэххитин сөп. Эбэтэр биһиэхэ кэлэн суруйуҥ.  Покровскай, Бүлүүлүүр трактарга уонна “Прометей”, “Сатал” микрооройуоннарга сайабылыанньа ылар пууннар үлэлиэхтэрэ. Эбэтэр “Мобильный избиратель” диэн систиэмэнэн туһаныаххытын сөп. Онуоха биһиги быыбардыыр хамыыһыйабытыгар эбэтэр ханнык баҕарар учаастак хамыыһыйатыгар сайабылыанньаҕытын биэриэххитин сөп. “Выборы” ГАС систиэмэ ханна баран куоластыыр сиргитин суруйуоҕа. Сайабылыанньалары ылыы бэс ыйын 21 күнүгэр күнүс 14.00 чааска түмүктэниэҕэ”,  – диэн бэлиэтээн эттэ Алла Самойлова. 

Бүтүн Арассыыйатааҕы куоластааһын хампаанньатыгар “Дьокуускай куорат” уонна “Жатай” куораттааҕы уокуруктарга 117 учаастак үлэлиэҕэ, онтон 3 – Жатайга.

Куорат ытык-мааны олохтоохторо! Быйыл Арассыыйа Киин быыбардыыр хамыыһыйата хас биирдии киһи куоластыырыгар араас ньыманы туһанарыгар бары усулуобуйаны олохтоото. Өскөтүн ыйытыылаах буоллаххытына,   Дьокуускай куораттааҕы быыбардыыр хамыыһыйа быһа линиятыгар 48-8-85 эрийиэххитин сөп.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...