03.03.2021 | 10:21

Дьокуускай – айар аартык

Дьокуускай – айар аартык
Ааптар: Киин Куорат

Дьокуускай баһылыгын эбээһинэһин толорооччу Евгений Григорьев П.А.Ойуунускай аатынан Литературнай түмэлгэ Саха суруйааччыларын Сойууһун чилиэннэрин кытта көрүстэ. Норуоднай суруйааччылар Наталья Харлампьева  үүннээн-тэһииннээн ыытааччы уонна Николай Лугинов түстээччи,  Семен Попов-Тумат  алҕааччы, сүбэ биэрээччи быһыыларынан саҕалаатылар.

Көрсүһүү мэлдьи куорат туһугар кыһаллар уонна инникитин иһин ыалдьар суруйааччылар сойуустарын көҕүлээһининэн ыытылынна. Евгений Григорьев суруйааччылар куруук норуот санаатын этэллэр диэн бэлиэтээтэ. Суруйааччылар сойуустара өрөспүүбүлүкэ биир кырдьаҕас түмсүүлэрэ. Билигин манна 78 чилиэн баар, олортон 70-нара Дьокуускайга олороллор. 

«Бүгүн куораппытыгар олорорго тупсаҕай эрэ буолбакка, духуобунай өттүнэн байарга табыгастаах буоларыгар баҕарабыт. Биһиги киин куораппыт регион киэҥ өйдөөх-санаалаах, дууһалаах киинэ буолуохтаах. Онон бүгүҥҥү кэпсэтиинэн астынныбыт”, — диэтэ Саха сирин суруйааччыларын сойууһун бэрэссэдээтэлэ Наталья Харлампьева.

Суруйааччылар духуобунас, култуура уонна искусство сайдыытыгар литератураны өйөөһүҥҥэ санааларын эттилэр. Көрсүһүүгэ  Николай Винокуров-Урсун, Гаврил Андросов, Рустам Каженкин, Иван Ушницкай бэйэлэрин санааларын эттилэр. Ханна да суруйааччылар дойдуларын, бэйэлэрин норуоттарын санааларын, кэпсээн  суруйан, ону таһынан кэлбиттэргэ билбиттэрин бэрсэн, сирдээн биэрбиттэринэн элбэх сайдыыга тирэх, сабыдыал оҥоһулларын кандидат өйдүүрүттэн үөрдүбүт.

Саха литературатын төрүттээччилэртэн биирдэстэрэ Николай Неустроев аатын Дьокуускай SMART-библиотекатыгар иҥэрии туһунан боппуруоска, ити тэрилтэ кэллэктиибэ итини ылымматын  Евгений Григорьев билэ сылдьар эбит. Онуоха култуура эйгэтин суолталаах боппуруостарын биир салайар үлэһит эрэ буолбакка, общественность аһаҕас кэпсэтиилэринэн быһаарылларын ситиһиэх тустаахпын диэн санаатын эттэ. Итиннэ, урут В.В.Никифоров-Күлүмнүүр аатын өрөспүүбүлүкэтээҕи бибилэтиэкэ кэллэктиибин мунньаҕа сөбүлэспэтэ диэбиттэринэн тэйитиллибитин эмиэ санатыах кэриҥнээхпит. Кэллэктиип үксүн салайааччы туох дииринэн барарын эмиэ өйдүүр сөп.  

Дьокуускай, Саха сирэ – Арассыыйа, ордук Илин Уһук  сайдарыгар уруккутун курдук барыны арыйыыга, ол иһигэр өйгө-санааҕа, айарга киэҥ аартык. 

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...