19.08.2022 | 12:00

Дьокуускай 390 сылыгар бэлэмнэнэр

Дьокуускай куорат төрүттэммитэ 390 сылын көрсө араас хайысхалаах уонна таһымнаах үлэ ыытыллар. Бу туһунан Олохтоох дьаһалта пресс-сулууспата иһитиннэрдэ.
Дьокуускай 390 сылыгар бэлэмнэнэр
Ааптар: Киин Куорат

Бырааһынньыкка бэлэмнэнии тэрийэр кэмититиэтин информациятынан, үбүлүөйү көрсө киин куоракка «Северная сказка» оҕо уһуйаана, воркаут-балаһааккалар, сылаас тохтобуллар, тупсаран оҥоһуллубут тиэргэн территориялара үлэҕэ киириэхтэрэ. Итиэннэ, култуурунай-саататар, спортивнай тэрээһиннэр бары уокуруктарга уонна куорат кытыытыгар ыытыллыахтара.

Куорат күнүн бэлиэтээһин чэрчитинэн балаҕан ыйын 8-11 күннэригэр сүрүн тэрээһиннэртэн биирдэстэрэ — «Якутск 4.0.0» форум ыытыллыаҕа.

Форум үлэтэ алта бырагырааманан барыаҕа:

- «Комфортная и устойчивая городская среда - достойная жизнь на Севере»;

- «Трансформация инфраструктуры: мировые стандарты»;

- «Развитие транспортной системы»;

- «Развитие социальной инфраструктуры – основа повышения качества жизни»;

- «Драйверы роста экономики города»;

- «Якутск – город идей и возможностей для каждого».

Пленарнай мунньахха куорат социальнай-экономическай сайдыытын стратегиятыгар уларытыылары киллэрэргэ төрүөтүнэн буолуохтаах «Якутск 4.0.0 Старт» форум түмүк резолюцията ылыныллыаҕа.

Тэрээһиҥҥэ 50 федеральнай эксперт кыттыаҕа.

Үбүлүөйдээх тэрээһиннэр култуурунай бырагыраамаларыгар быыстапкалар, кинигэлэр сүрэхтэниилэрэ, пааматынньыктарга сибэкки дьөрбөтүн ууруу, куонкурустар, дьаарбаҥкалар, бэстибээллэр, спортивнай күрэхтэһиилэр уо.д.а. бааллар.

Бырааһынньык салютунан түмүктэниэҕэ.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.