18.08.2021 | 10:00

Дьокуускай 2200 тахса элбэх оҕолоох ыала сир учаастактарын ылыаҕа

Дьокуускай 2200 тахса элбэх оҕолоох ыала сир учаастактарын ылыаҕа
Ааптар: Киин Куорат
Бөлөххө киир

Бүлүүлүүр уонна Намцыыр суолларыгар баар сирдэр федеральнайтан муниципальнай бас билиигэ көһөрүлүннүлэр. Атырдьах ыйын 17 күнүгэр СӨ судаарыстыбаннай бас билиини салайыы Федеральнай агентствотын Территориальнай управлениета уонна куорат дьаһалтата итиннэ сыһыаннаах туһааннаах докумуоннарга илии баттастылар. 
Элбэх оҕолоох ыалларга уопсайа 2212 3 мөл. кв. м. иэннээх сир учаастактара бэриллэр. Ол туһунан РФ Судаарыстыбаннай Думатын СӨ аатыттан депутата Галина Данчикова иһитиннэрдэ.
Кини эппитинэн, Арассыыйа Президенэ Владимир Путин элбэх оҕолоох дьиэ кэргэннэри өйөөһүҥҥэ улахан болҕомтону уурар. «Федеральнай таһымҥа «Биир ньыгыл Арассыыйа» баартыйа элбэх оҕолоох ыалларга сири биэрии инфраструктуратын оҥорууну өйүүр норуот бырагырааматын оҥорор туһунан этии киллэрдэ. Инники өттүгэр олорор усулуобуйаларын тупсарар курдук кыбартааллар архитектураларын бырайыагын дьиэ кэргэттэри кытта бииргэ оҥорор үчүгэй буолуо этэ. Бу сирдэри саамай наадыйар элбэх оҕолоох ыалга биэриэххэ наада», –   диэтэ олохтоох былаастарга туһаайан Галина Данчикова. 
Куорат баһылыга Евгений Григорьев сири түҥэтиини тус хонтуруолугар ылыах буолла. 
«РФ Судаарыстыбаннай Думатын СӨ аатыттан депутата Галина Иннокентьевна Данчикованы уонна СӨ судаарыстыбаннай бас билиини салайыы Федеральнай агентствотын Территориальнай управлениетын кытта бииргэ үлэлээһиммит түмүгэр бүгүн биһиги оҕолордоох дьиэ кэргэттэргэ сири биэриини быһаарабыт. Билигин биһиги иннибитигэр учаастактарга суолу тутуу, гааһы, уоту киллэрии соруктара тураллар», – диэтэ куорат баһылыга.
Галина Данчикова уонна Евгений Григорьев судаарыстыбаннай бас билиини салайыы Федеральнай агентствотын салайааччыта Вадим Яковенкоҕа уонна СӨ Росимущество территориальнай управлениетын салайааччыта Екатерина Мироноваҕа элбэх оҕолоох ыалларга сир учаастактарын биэрии боппуруоһун быһаарбыттарыгар махтаннылар. Екатерина Миронова сири федеральнайтан муниципальнай бас билиигэ көһөрүү түһүмэхтэринэн барыаҕа диэтэ. 
Үөрүүлээх тэрээһиҥҥэ кэлбит элбэх оҕолоох ийэлэр депутакка уонна салайааччыларга үтүө түмүктээх үлэлэрин иһин махталларын тиэртилэр уонна Дьокуускайга судаарыстыба өттүттэн өйөбүлгэ наадыйар элбэх дьиэ кэргэн баарын бэлиэтээн эттилэр. 
Куорат баһылыга Евгений Григорьев сокуонунан көрүллүбүт бэрээдэк түһүмэхтэрин кылгас болдьоххо оҥорор соругу туруорда.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...