23.12.2021 | 14:00

Дьокуускай 2022 сыллааҕы бүддьүөтэ иккис ааҕыыга ылылынна

Дьокуускай 2022 сыллааҕы бүддьүөтэ иккис ааҕыыга ылылынна
Ааптар: Киин Куорат

Дьокуускай куораттааҕы Дуума дьокутааттара Дьокуускай 2022 уонна 2023-2024 сыллардааҕы былааннаммыт болдьоххо бүддьүөтүн көрдүлэр уонна иккис ааҕыыга ылыннылар. Бу туһунан Уокуруктааҕы дьаһалта пресс-сулууспата иһитиннэрдэ.
Ити боппуруоһунан бүддьүөт-экономическай политикатын хамыыһыйатын бэрэссэдээтэлэ Сергей Черных, Уокуруктааҕы дьаһалта үпкэ Департаменын начаалынньыга Ольга Максимова иһитиннэриилэри оҥорбуттар.
Сергей Черных 2022-2024 сылларга олохтоох бүддьүөт дохуотун уопсай кээмэйин бэлиэтээбит. 
«Бүддьүөт дохуота иккис ааҕыыга 2022 сылга 22 млрд. 40 мөл. солк., ороскуоттаах чааһа – 22 млрд. 312 мөл. солк., бүддьүөт дефицита 272 мөл. солк., эбэтэр бэйэ дохуодун кээмэйиттэн 3% тэҥнэһэр, ити куһаҕана суох көрдөрүү», – диэбит Сергей Черных. Бэлиэтээн эттэххэ, 2023-2024 сылларга Дьокуускай куорат бүддьүөтэ дефицита суох оҥоһуллубут. 
Уокуруктааҕы дьаһалта «2020-2024 сылларга Дьокуускай куорат уокуругун нэһилиэнньэтин олорор дьиэнэн хааччыйыы» муниципальнай бырагыраама «Гражданнары хаарбах туруктаах дьиэттэн көһөрүү» хос бырагырааматынан ороскуоту эбии 62 мөл. солк. сууманан улаатыннарар туһунан көннөрүүнү киллэрдэ. Ити сириэстибэлэр Ново-Карьернай уул., 27/2 уонна Рыдзинскай уул., 15 хаарбах дьиэлэртэн олохтоохтору көһөрөргө туттуллуохтара. Ити курдук, барыта үс итинник дьиэттэн көһөрүллүөхтэрэ. 
Уокуруктааҕы дьаһалта үпкэ Департаменын начаалынньыга Ольга Максимова бэлиэтээбитинэн, бүддьүөт үгэс быһыытынан социальнай хайысхалаах. Дьокуускай куорат кылаабынай үпкэ докумуонугар 2022 уонна 2023-2024 сылларга 17 муниципальнай уонна 5 биэдэмистибэ целевой бырагыраамаларыгар олоххо киириилэригэр туһуламмыт сириэстибэлэр көрүллүбүттэр. 
Үөрэҕирии сайдыытыгар 2022 сылга 13 млрд. 140 мөл. солк. ууруллубут, ол быйылгы сыллааҕы таһымтан  2199 мөл. солк. үрдүк. Итиннэ оскуола иннинээҕи оҕо тэрилтэлэрин үлэһиттэрин хамнастарын, «Прометей» дьоҕус оройуоҥҥа 990 миэстэлээх саҥа оскуола үлэҕэ киириитин кытта сибээстээх судаарыстыбаннай таһымнаах ороскуоттар учуоттаммыттар. 
Үөрэҕирии тэрилтэлэригэр хапытаалынай өрөмүөн, куттал суох буолуутун хааччыйыы, ону сэргэ 38 №-дээх оскуолаҕа бөҕөргөтөр-чөлүгэр түһэрэр үлэлэр ороскуоттара учуоттаммыт. Итини таһынан, ити салааҕа тутууну уонна үөрэҕирии тэрилтэлэригэр анаан эбийиэктэри атыылаһыы учуоттаммыт, ол иһигэр ВЭБ.РФ өттүнэн оскуолалары тутууга сир учаастактарын бэлэмнээһин, судаарыстабаннай-чааһынай бииргэ үлэлээһин бырайыактарын олоххо киллэриигэ ылыныллыбыт эбэһээтэлистибэни толоруу, үөрэҕирии тэрилтэлэригэр эбийиэктэри кыттыгас үбүлээһинэн атыылаһыы. Ол курдук, ВЭБ.РФ бырайыага олоххо киириитин чэрчитинэн киин куорат 12-с, 5-с №-дээх уонна Хатас орто оскуолаларыгар самалык тутуутугар, 68-с кыбаарталга 990 миэстэлээх оскуоланы батарар дьиэҕэ, 26-с уонна 29-с №-дээх оскуолаларга самалык тутуутун бырайыактыыр-сметалыыр докумуон оҥоруутун түмүктүүргэ ороскуоттар көрүллүбүттэр. 
«Култуура» салаа үбүлээһинигэр 800 мөл. солк. көрүллүбүт, ити 2021 сылга бигэргэтиллибит былаантан 112 мөл. солк. үрдээбит. Сириэстибэлэр култуура тэрилтэлэрин үлэлэтиигэ, кинигэ пуондаларын комплектуйдааһыҥҥа, култуурунай-маассабай тэрээһиннэри ыытыыга, айар кэлэктииптэри өйөөһүҥҥэ туттуллаллар. Итини таһынан, куттал суох буолуутун хааччыйыыга, хапытаалынай өрөмүөҥҥэ уонна материальнай-техническэй баазаны бөҕөргөтүүгэ, куораттааҕы тэрээһиннэри ыытыыга, аутсорсингынан өҥө оҥоруутун төлөбүрэ уонна куоракка ГЧП бырайыагын олоххо киллэриигэ туһуламмыт ороскуоттар учуоттаммыттар. 
Куорат бүддьүөтүн ороскуота 2022 сылга 22 млрд. 312 мөл. солк. тэҥнэһэр, итинтэн 20 млрд. 479 мөл. солк. – бырагыраамалаах, 1 млрд 833 мөл. солк. – бырагыраамата суох ороскуоттарга. 
2023 сылга куорат бүддьүөтүн ороскуота 20 млрд. 358 мөл. солк. тэҥнэһэр, итинтэн 18 млрд. 241 мөл. солк. – бырагыраамалаах, 2 млрд 117 мөл. солк. – бырагыраамата суох ороскуоттарга.
2024 сылга куорат бүддьүөтүн ороскуота 21 млрд. 441 мөл. солк., итинтэн бырагыраамалаах ороскуоттарга 18 млрд. 527 мөл. солк. көрүллүбүт.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...