29.11.2023 | 18:00

Дьокутааттар байыаннай дьайыы кыттыылаахтарыгар көмөлөһөр кииҥҥэ сырыттылар

Дьокуускай куораттааҕы Дуума дьокутааттара былырыыҥҥыттан үлэлиир, байыаннай дьайыы кыттыылаахтарыгар көмөлөһөр киин үлэтин кытта билистилэр.
Дьокутааттар байыаннай дьайыы кыттыылаахтарыгар көмөлөһөр кииҥҥэ сырыттылар
Ааптар: Киин Куорат
Бөлөххө киир

Киин исписэлиистэрэ «биир кэлим түннүк» көрүҥүнэн куорат байыаннай комиссариатыттан мобилизацияламмыт, баҕа өттүнэн уонна хантыраагынан байыаннай дьайыыга барбыт байыастарга уонна дьиэ кэргэттэригэр юридическэй, психологическай, информационнай уонна волонтерскай көмөнү оҥороллор.

«Кииҥҥэ Олохтоох дьаһалта управлениеларын, департаменнарын исписэлиистэрэ үлэлииллэр. Кинилэргэ волонтерскай хамсааһыннар көмөлөһөллөр. Хас биирдии сайабылыанньанан киин тус хайысхалаах үлэлиир уонна бары кыһалҕалары суһаллык быһаара сатыыр. Юристар докумуоннары оҥорорго көмөлөһөллөр, сүбэлииллэр», – диэн кэпсээтэ киин салайааччыта, Олохтоох дьаһалта уопсастыбаннай сибээстэргэ салаатын начаалынньыга Туйара Колесова.

Федеральнай уонна регионнааҕы өйөбүлгэ эбии, Дьокуускай куоракка биир төгүллээх 30 тыһыынча солкуобайдаах көмө оҥоһуллар, байыаннай сулууспалаахтар оҕолоро уопсастыбаннай тырааныспарга босхо айанныыллар, оҕолорун уһуйааннарга уочарата суох быһа киллэрэр бырааптаахтар уо.д.а. миэрэлэр бааллар.

«Ааспыт нэдиэлэҕэ дьокутааттар нолуок политикатыгар сыһыаннаах икки боппуруоһу өйөөтүлэр. Байыаннай дьайыы кыттыылаахтарын бары категорияларыгар сир  нолуогар чэпчэтии уһатылынна уонна 50%-тан 100%-ҥа диэри үрдэтилиннэ. Ити өйөбүл миэрэтэ былырыыҥҥыттан баар. Бүгүн киин үлэтин кытта билистибит, туохха ордук болҕомто ууруллуохтааҕын, ханнык эбии миэрэ киириэхтээҕин чопчуластыбыт», – диэн бэлиэтээтэ Дуума Бэрэссэдээтэлин бастакы солбуйааччыта Евдокия Евсикова.

Олохтоох дьаһалта баһылыгын территориялары, итиэннэ тыа хаһаайыстыбатын уонна эргиэни, урбааны сайыннарыыга солбуйааччыта  Владимир Аржаков бэлиэтээбитинэн, байыаннай сулууспалаахтарга сир учаастагын анааһын бырайыагын сиһилии толкуйдуур ирдэнэр.

 

 

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!