03.12.2021 | 12:00

Дьоҕус кээмэйдээх таһаҕастары ыытар өҥө баар буолбут

Дьоҕус кээмэйдээх таһаҕастары ыытар өҥө баар буолбут
Ааптар: Киин Куорат
Бөлөххө киир

«Дьокуускай» аэропортка 30 киилэҕэ диэри ыйааһыннаах дьоҕус кээмэйдээх таһаҕастары ыытар өҥө баар буолбут. Ол туһунан аэропорт генеральнай дириэктэрэ Сергей Игнатенко иһитиннэрбит. 
«Күндү доҕоттор, «Дьокуускай» аэропорт пассажирскай терминалыгар 30 киилэҕэ диэри ыйааһыннаах дьоҕус кээмэйдээх таһаҕастары ыытар өҥө баар буолбутун туһунан үөрэ иһитиннэрэбин. Аэропортан аэропортка авиациянан тириэрдии – түргэн уонна эрэллээх», – диэбит Сергей Игнатенко. 
Чэпчэки ыйааһыннаах таһаҕаһы, баһыылканы уонна корреспонденцияны Арассыыйа уонна Саха өрөспүүбүлүкэтин 39 хайысхатынан ыытыахха сөп. 
Саҥа өҥө нэһилиэнньэ наадыйыытын учуоттаан баар буолбут. Мантан инньэ аэровокзалга докумуон эбэтэр баһыылка ыытаары наадалаах хайысханан көтөр пассажиры көрдөнүллүбэт. Таһаҕаһы тутар түннүккэ чугаһыахха эрэ наада (регистрациялыыр миэстэ уонна таһаҕаһы харайар камера аттыгар турар). 
Ыытарга бэлэмнэммит таһаҕаһы уонна дьыалабыай докумуоннары үлэ күнүгэр сарсыарда 8:00 чаастан 15:00 чааска диэри туталлар. 
Баһыылка ыйааһына 30 киилэттэн тахсыа суохтаах. 
Сыаната таһаҕас ыйааһыныттан, төһө ыраах ыытылларыттан уонна таһаҕаһы тиэйээччиттэн тутулуктаах. 
Чуолкай информацияны 49-13-97 төлөпүөнүнэн билсиэххэ сөп.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!