02.06.2022 | 14:55

Дьоһун буктрейлер

Дьоһун буктрейлер
Ааптар: Светлана Самсонова-Сиибиктэ, Мукучу

“Ноотуу” – кыра уонна орто саастаах оҕолорго аналлаах тэттик кэпсээн кинигэтэ. 
Хомуурунньукка төрөөбүт сиргэ тапталы, тулалыыр эйгэҕэ оҕо истиҥ сыһыанын сырдатар иһирэх кэпсээннэр киирбиттэр. Худуоһунньуктар Александр Попов, Виктория Неустроева дьэрэкээн ойуулара ааҕааччы болҕомтотун тардаллар. «Саалтааным сайаҕас салгына сүрэхпэр-быарбар сɵрүүн сүɵгэй курдук сайан киирэр. Үɵһэттэн күɵрэгэй дьырылас ырыата кутуллар. Күɵх хонуу устун күн уотун тутуохтуу утары сүүрэбин, күн дьолун ыймахтыы күɵлэһийэн ылабын. Охсуллубут от, дьэдьэн сыта-сымара минньигэһиэн!” Бу “Ноотуу” диэн кэпсээммиттэн быһа тардыыны аахтахпына, төрөөбүт төрүт дойдубар ааспат ахтылҕан сүрэхпин нүөлүтэр, дьоллоох оҕо сааспын санатан, хам кууһан ылар.
2020 сыллаахха С.А. Новгородов аатынан “Бичик” (“Айар”) кинигэ кыһатыгар бэчээттэнэн тахсыбыт “Ноотуу” диэн кэпсээним кинигэтин оҕо аймах сэргии көрсүбүтүн ис-испиттэн долгуйа, үөрэ ылыммытым. Эдэр төрөппүттэр оҕолоругар, эбээлэр сиэннэригэр бэлэхтээрилэр кэрэхсээн кэтэспиттэрэ, сыа-сым курдук тутан илиилэригэр ылбыттара санаабын көтөхпүтэ.

Ону сэргэ быйыл кыһын Танара орто оскуолатын үһүс кылааһын үөрэнээччитэ Юлиана Стручкова САССР төрүттэммитэ 100 сылын көрсө ыытыллыбыт “Төрөөбүт тылгынан аах” диэн өрөспүүбүлүкэтээҕи научнай-практическай онлайн-конференцияҕа “Ноотуу – мин сөбүлүүр кинигэм” диэн тиэмэнэн ситиһиилээхтик кыттан, иккис миэстэни ылбыта. Аныгылыы технологияны туһанан, сонун тутуллаах, оҕолору сэҥээрдэр ис хоһоонноох буктрейлеры оҥорбута кыра саастаах ааҕааччыларга күндү бэлэх буолбута. Оҕолору кинигэни ааҕарга туһулуур үлэтигэр Юлиана туруоруммут сыалын-соругун толору ситиспитэ буктрейлеры көрдөрөр видеоттан сиһилии көстөр. Үөрэнээччи тыла-өһө лоп-бааччы, дуоспуруннаах. Номоҕоннук туттан, боччумнаахтык кэпсиирин киһи төһө баҕарар уһун кэмҥэ истэ олоруох курдук. Олохтоох библиотекаттан кинигэни уларсан бэлэмнэнэригэр ийэтэ, эдэр исписэлиис Варвара Николаевна көх-нэм буолан көмөлөспүтэ олус үчүгэй. Мин санаабар, нэһилиэккэ модельнай библиотека иһинэн (сэбиэдиссэй, суруналыыс Им Ия Николаевна) оҕону төрөөбүт тылынан сахалыы уус-уран айымньыны сөбүлээн ааҕарга уһуйар, көҕүлүүр эйгэ баара ааҕааччыга суолу аһар. Кырачаан ааҕааччылар уус-уран литератураны таптыы, төрөөбүт тылларын баайынан киэн тутта, түөлбэ суруйааччыларын айымньыларын билэ-көрө улаатыахтара.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...