04.12.2023 | 17:00

Доҕордоһуу дьиэтигэр Национальнай култууралар күннэрэ ыытылынна

Ахсынньы 3 күнүгэр, Саха сиригэр аан бастакы төгүлүн, Ил Дархан Айсен Николаев ыйааҕынан, Национальнай култууралар күннэрэ бэлиэтэннэ.
Доҕордоһуу дьиэтигэр Национальнай култууралар күннэрэ ыытылынна
Ааптар: Киин Куорат
Бөлөххө киир

Ити күнү олохтооһун туһунан этиини Өксөкүлээх Өлөксөй аатынан Норуоттар доҕордоһууларын дьиэтигэр, Ил Дарханы кытта көрсүһүүгэ, национальнай-култуурунай холбоһуктар, казачество уонна конфессиялар  бэрэстэбиитэллэрэ киллэрбиттэрэ.

Тэрээһиҥҥэ Саха сирин национальнай-култуурунай холбоһуктарын, Хотугу аҕыйах ахсааннаах төрүт норуоттар ассоциацияларын, СӨ Норуоттарын ассамблеятын, Норуоттар доҕордоһууларын дьиэтин ыччат уонна айар кэлэктииптэрин көхтөөх бэрэстэбиитэллэрэ кытыннылар.

Гаврил Кириллин, СӨ тас сибээстэргэ уонна норуоттар дьыалаларыгар миниистирэ:

- Бүгүн историческай суолталаах, улуу күн. Биһиги бары национальнай-култуурунай холбоһуктар лиидэрдэрэ көҕүлээн, Ил Дархан  Айсен Сергеевич Николаевка этии киллэрэн, бу бырааһынньык олохтонон, саҥа саҕалааһын туоһуларынан буоллубут. Өрөспүүбүлүкэҕэ 135 араас омук олорор, 70-тан тахса национальнай-култуурунай холбоһуктар, 165 итэҕэл тэрилтэлэрэ уонна казактар 10 уопсастыбалара бааллар. Кинилэр бары өрөспүүбүлүкэбит судаарыстыбаннай национальнай политикатын биир кэлим  инфраструктурата буолаллар. Бүгүҥҥү Национальнай култууралар күннэрэ Сахабыт сирин уонна улуу Арассыыйа норуоттарын тылларын, үгэстэрин, култуураларын харыстааһыны уонна үйэтитиини кэрэһэлиир.

Александр Подголов, Ил Түмэн Бэрэссэдээтэлин солбуйааччыта, СӨ байыаннай сулууспалаахтар, бэтэрээннэр уонна патриотическай иитии сис хамыыһыйатын уонна СӨ Норуоттарын ассамблеятын бэрэссэдээтэллэрэ:

- Ил Дархан Национальнай култууралар күннэрин олохтуур туһунан ыйааҕа национальнай култууралар өрөспүүбүлүкэбитигэр сүҥкэн оруоллаахтарын уонна норуоттар доҕордоһууларыгар дьоһун сыһыаны көрдөрөр. Чуолаан Саха сиригэр аан бастакынан маннык бырааһынньык баар буолбута үөрдэр.

Бырааһынньыкка чэй амсатыылаах быыстапката, норуоттар үгэс буолбут бырааһынньыктарын билиһиннэрии, араас омук бэрэстэбиитэллэрин сэлэлии хаамыыта, кэнсиэр буолла. Тэрээһини доҕордоһуу оһуохайа түмүктээтэ.

 

 

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....