Дистанционнай үөрэх итии линията үлэтин саҕалаата

Бүгүҥҥүттэн куорат территориятыгар,  баһылык Евгений Григорьев көҕүлээһининэн, үөрэҕи дистанционнай көрүҥүнэн үөрэҕирии технологияларын туһанан тэрийиигэ итии линия үлэтин саҕалаата. 
«Үөрэх хаачыстыбатыттан, ордук маҥнайгы уонна оскуоланы бүтэрэн эрэр кылаастар төрөппүттэрэ долгуйалларын өйдүүбүн. Ол иһин бу уустук кэмҥэ Дьокуускай үөрэҕириигэ Управлениетын үлэтин тус хонтуруолбар ылары наадалааҕынан ааҕабын» – диэн Инстаграм ситимигэр @grigorev_yakutsk куорат баһылыга Евгений Григорьев суруйда. 
Кини бэлиэтээбитинэн, билиҥҥи туругунан ураты оруол оскуола дириэктэрдэригэр бэриллэр, кинилэр нуормаҕа эппиэттиир үөрэҕи тэрийиэхтээхтэр, үлэлиир техническэй сириэстибэлэринэн уонна туох ирдэнэринэн барытынан хааччыйыахтаахтар.  
Дистанционнай үөрэх тэриллиитигэр сыһыаннаах бэйэлэрин үҥсүүлэрин төрөппүттэр итии линияҕа биллэриэхтэрин сөп: 8 (4112) 45-10-60.