26.11.2021 | 17:45

Дьиэлэри хаарбах туруктааҕынан билинэр үлэ салҕанар

Дьиэлэри хаарбах туруктааҕынан билинэр үлэ салҕанар
Ааптар: Киин Куорат

Евгений Григорьев Инстаграм ситимигэр быһа эфиргэ куорат былааһа элбэх кыбартыыралаах мас дьиэлэри хаарбах туруктааҕынан билинэргэ улахан үлэни ыытарын туһунан кэпсээтэ. Бырагыраама иккис түһүмэҕин чэрчитинэн эргэ, 2012 сыл тохсунньу 1 күнүттэн 2017 сыл тохсунньу 1 күнүгэр диэри хаарбах туруктааҕынан билиниллибит 165 дьиэттэн көһөрүү буолар. 
«Ити дьиэлэр олохтоохторугар көмөлөһөр курдук, хаарбах туруктааҕынан билинэргэ наадалаах докумуоннары оҥотторууну куорат бүддьүөтүттэн үбүлүүбүт. Икки сыл тухары 900 дьиэни итинник туруктааҕынан билиннибит», – диэн иһитиннэрдэ   Евгений Григорьев.
Бэлиэтээн эттэххэ, 2021 сылга 160 элбэх кыбартыыралаах дьиэ хаарбах туруктааҕынан билиниллэрэ уонна гражданнары көһөрүү аныгыскы бырагырааматыгар киирэрэ былааннанар. Куорат салалтатын сорудаҕынан аналлаах тэрилтэттэн техническэй түмүгү ылааһын куорат бүддьүөтүттэн үбүлэнэр.

Сонуннар

Ордук ааҕаллар

Тыыннаахпыт тухары бүппэт кыһалҕалар
Куорат олоҕо | 24.06.2022 | 16:00
Тыыннаахпыт тухары бүппэт кыһалҕалар
«Кыһалҕа, муҥ тиити буолбакка, киһини кэрийэр» диэн сахалар өс хоһоонноро баар. Киһи олорорун тухары кыһалҕаны, ыарахаттары көрсөр, ону туоратарга дьулуһар. Онуоха салалта, дьаһалта өттүттэн эмиэ кыһаллаллар, араас уураахтары, дьаһаллары таһааран олохпут чэпчиирин туһугар туруулаһаллар. Ол да буоллар, ол эрэн... дииргэ тиийэбит.   Илин эҥэрдэр паром кыһалҕалаахтар Муоста, муоста диибит да, ол...
Дьиэ кэргэн бизнеһин өйүүр киин арылынна
Сонуннар | 27.06.2022 | 17:39
Дьиэ кэргэн бизнеһин өйүүр киин арылынна
Бэс ыйын 27 күнүгэр Дьокуускайга Дьиэ кэргэн бизнеһин өйүүр киини арыйдылар. Киин күлүүһүн вице-премьер Ольга Балабкинаҕа үөрүүлээх быһыыга-майгыга туттарыы сиэригэр-туомугар Арассыыйатааҕы Атыы-эргиэн палататын вицэ-бэрэсидьиэнэ Елена Дыбова туттарда. Арассыыйа үрдүнэн бу төрдүс киин үлэлээтэ. Эрдэ маннык кииннэр Нижний Новгородка, Уфаҕа, Рязань куоракка бааллар. Киин арыллыыта Саха АССР үбүлүөйдээх сылыгар сөп түбэспитэ...