19.11.2021 | 11:00

Дьиэ-уот атыытын нолуогуттан босхолоноллор

Дьиэ-уот атыытын нолуогуттан босхолоноллор
Ааптар: Киин Куорат
Бөлөххө киир

Үп министиэристибэтэ оҕолоох ыаллар дьиэ-уот атыытын нолуогуттан хайдах босхолонуохтарын сөбүн иһитиннэрдэ диэн ТАСС кэпсиир.

Үөһэ этиллибит министиэристибэ Нолуок кодексатыгар көннөрүүлэри киллэрэр туһунан бырайыагы бэлэмнээбит.

Бу чэпчэтиинэн толору саастарын ситэ илик икки эбэтэр онтон элбэх оҕолоох төрөппүттэр эбэтэр 24-гэр диэри саастаах күнүскү үөрэххэ үөрэнэр устудьуоннаах ыаллар туһаныахтарын сөп. Докумуоҥҥа сурулларынан, саҥа кыбартыыра эргэ дьиэ атыыламмыт сылыгар эбэтэр кэлэр сыл муус устар 30 күнүттэн хойутаабакка атыылаһыллыахтаах. Аны туран, тутууга кыттыгас дуогабар (договор долевого участия) туһунан этиллэр буоллаҕына, дуогабарынан төлөбүр толору ааһыахтаах.

Маны таһынан хамсаабат баай-дуол кадастровай сыаната үрдүк эбэтэр уопсай иэнэ атыыламмыт эбийиэктэн улахан буолуохтаах. Атыыламмыт дьиэ кадастровай сыаната 50 мөлүйүөн солкуобайы аһарыа суохтаах диэн докумуоҥҥа чуолкайданар. 

Көннөрүүлэр федеральнай сокуон тахсыбыт күнүттэн олоххо киирэллэрэ былааннанар уонна 2021 сыл нолуогабай кэмиттэн ааҕыллыбыт дохуокка тарҕаныаҕа.

Санатан эттэххэ, бу сайын дойду аҕа баһылыга Владимир Путин бырабыыталыстыбаҕа уонна Судаарыстыбаннай Дуумаҕа дьиэ кэргэттэри өйүүр аналлаах кэккэ көннөрүүлэри ахсынньы 1 күнүгэр диэри бэлэмнииргэ соруйбута.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.