Дьиэ тутуута өссө тэтимирэр кэриҥнээх
Хатыҥ үрэх оройуонугар панель дьиэни тутар собуоту РИА быйыл олоххо киллэрэн саҕалыырын туһунан тохсунньу 25 күнүгэр Арассыыйа-Саха араадьыйа ханаалыгар РИА управлениетын салайааччытын э.т. Мария Садовникова уонна Дьокуускай куораттааҕы Олох-дьаһах сыһыаннаһыыларыгар департамент начаалынньыгын солбуйааччы Вадим Семенов кэпсээтилэр.
Биэрии ыалдьыттара иһитиннэрбиттэринэн, бүгүҥҥү күҥҥэ собуот бырайыагын докумуона бэлэмнэнэ сылдьар. Сылга аччаабыта 50-75 тыһ. кв/м иэннээх олорор дьиэни тутар матырыйаалы оҥорор собуот Хатыҥ Үрэх оройуонугар былааннанар. Собуот оҥорон таһаарар биир хос панеллара ыйааһыннара чэпчэки, хаачыстыбалара бигэ уонна дьиэни түргэнник тутан таһаарар кыаҕы биэрэр уратылаах буолуохтара сабаҕаланар. Тутааччылар быһааралларынан, хайа баҕар планировкалаах дьиэни тутарга сөп түбэһэр, вентиляциялаах фасад кытта ыйаныан сөп эбит. Онон үгэс буолбут панель дьиэлэртэн ураты дизайнаах, тас көстүүлээх буолар кыахтаахтар.
Биһиги усулуобуйабытыгар биир табыгастааҕынан уонна барыстааҕынан саҥа матырыйаалынан дьиэни дьыл хайа баҕар кэмигэр тутуохха сөбө буолар.
Онон киин куораты элбэх тутуу күүтэр.
Сонуннар
Ордук ааҕаллар
