22.10.2020 | 12:00

Дьиэ кыылларын регистрациялааһын саҕаланна

Дьиэ кыылларын регистрациялааһын саҕаланна
Ааптар: Киин Куорат

Куорат баһылыга Сардана Авксентьева дьаһалынан 2020 сыл алтынньы 19 күнүттэн сэтинньи 20 күнүгэр диэри куорат уокуругун сиригэр-уотугар дьиэ кыылларын регистрациялааһын биллэрилиннэ.

Олохтоох дьаһалта территориальнай уорганнарын салайааччыларынан бу кэм иһигэр СӨ Бырабыыталыстыбатынан бигэргэммит биир систиэмэ учуотунан дьиэ кыылларын хаһаайыттар уонна тэрилтэлэр регистрациялатар үлэлэрэ ыытыллар уонна тэриллэр.

Уокурук уонна куорат кытыытынааҕы нэһилиэктэр үлэһиттэрэ бэйэлэрин сирдэригэр-уоттарыгар сыһыарыллыбыт учаастактарга рейдэ ыытыахтаахтар, профилактическай бэсиэдэ оҥоруохтаахтар, дьиэ кыылларын тутууга аналлаах быраабылалары түҥэтиэхтээхтэр.

Өскөтүн  гражданнар регистрацияттан куотунар түбэлтэлэригэр, кинилэргэ административнай кэһии туһунан боротокуол толоруллар.

Дьокуускай куорат Административнай хамыыһыйата иһитиннэрбитинэн, дьиэ кыылларын регистрациялаһынтан куотунааччыларга административнай ыстараап сүктэриллэр. Ол курдук, тус сирэйтэн 1000-1500 солкуобайга диэри, дуоһунастаахтартан – 3000-4000 солкуобайга диэри, юридическай сирэйдэр 5000-10000 солкуобайга ыстарааптаныахтарын сөп.

Санатар буоллахха, Дьокуускай куоракка дьиэ кыылларын тутууга бигэргэммит Быраабыланан, ыттары, куоскалары бас билэр хаһаайыттар регистрацияны булгуччу ааһыахтаахтар. Дьиэ кыылларын учуокка туруоруу СӨ “Дьокуускай куорат ветеринарнай управлениета” Судаарыстыбаннай бүддьүөт тэрилтэтинэн хаһаайын олорор сиринэн оҥоһуллар.

Маныаха 6.1 пуун дьиэ кыылын тутар Быраабылатынан бары хаһаайыттар бэтэринээрдэргэ профилактическай, диагностическай, лабораторнай чинчийиини уонна кыылларын вакцинациятын ааспыттарын туһунан олохтоммут сокуонунан көрдөрөр эбээһинэстээхтэр.

Куорат олохтоохторо маннык аадырыстарга судаарыстыбаннай бэтэринээринэй сулууспаҕа кэлэн регистрацияны ааһыаххытын сөп:

1. Чехов уул., 66, төл. 35-32-78

2. Mapxa бөһүөлэгэ, Сэбиэскэй уул., 38, төл. 204-627

3. Хатас сэлиэнньэтэ, Ойуунускай уул. 4/1, төл. 409-003

4. Тулагы сэл., Совхознай уул., 2/1 төл. 207-277

6. Маҕан бөһ., Антеннай уул., 1/3.

Манна кэллэххитинэ регистрацияны ааһаҕыт, пааспар ылаҕыт, бэйэ баҕатынан чип олорторуоххутун сөп, бары быһыылары туруораллар.

Маны таһынан регистрацияны куорат олохтоохторо ветеринария Управлениетыгар, Каландаришвили уулусса 3 нүөмэригэр ааһыаххытын сөп.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.