05.12.2022 | 16:00

Дьиэ кэргэн саҥа дьыллааҕы хаартыскаларын куонкуруһа ыытыллар

Дьокуускай куорат историятын музейа «Дьиэ кэргэним саҥа дьыллааҕы историялара» куонкуруска кыттарга ыҥырар диэн Култуура управлениета иһитиннэрдэ.
Дьиэ кэргэн саҥа дьыллааҕы хаартыскаларын куонкуруһа ыытыллар
Ааптар: Киин Куорат
Бөлөххө киир

Куонкурус сыала – куорат историятыгар дьон болҕомтотун тардыы, дьиэ кэргэн үтүө үгэстэрин үйэтитии, Дьокуускай куорат историятын музейын пуондатын хаҥатыы.

Тэрээһиҥҥэ ханна олороруттан тутулуга суох, олохторо Дьокуускайы кытта ситимнээх, 18 саастарыттан үөһэ дьон кыттыахтарын сөп.

Куонкуруска дьиэ кэргэн саҥа дьыллааҕы хаартыскалара (оригиналлар, куопуйалар, электроннай варианнар) – мэтириэттэр, дьиэ кэргэҥҥэ, оскуолаҕа, уһуйааҥҥа, тэрилтэлэргэ бөлөҕүнэн түспүт хаартыскалар, саҥа дьыллааҕы Дьокуускай уо.д.а. кытталлар. Хаартыскаҕа түспүт кэм: 1950-1970-с сыллар.

Кыттыы төлөбүрэ суох. Биир сайаапкаҕа 5-кэ диэри хаартыска киирэр. Хас биирдии хаартыска историялаах, кыттааччы араспаанньата, аата, аҕатын аата, сибээстэһэр дааннайдара ыйыллыбыт буолуохтаах.

Киирбит хаартыскалар «SAKHALIFE.RU» саайтыгар тахсыахтара. Кыайыылаахтар норуот куоластааһынынан сүүмэрдэнэллэр (куонкурус ахсынньы 18 күнүгэр, олохтоох бириэмэнэн 18 чааска түмүктэнэр).

Хаартыска оригиналларын кытта сайаапкалары Дьокуускай куорат историятын музейыгар туталлар, аадырыһа: Кырдьаҕас куорат, Аммосов уул., 1/1, үлэ күннэрэ – сэрэдэ-баскыһыанньа, үлэ чааһа – 10-тан 18 чааска диэри.

Онлайн кыттааччылар аннотациялаах хаартыскаларын электроннай почтаҕа ыыталлар: konkursmuzeya@mail.ru

Онлайн кыттааччыларга ирдэбил: хаартыскалар форматтара – JPEG, кээмэйэ – 1000 пиксельгэ диэри, фотошоптамматах уонна авторскай бэлиэлэрэ суох буолуохтаахтар.

Бастакы 5 кыайыылаах куонкурус спонсордарын бириистэринэн наҕараадаланыахтара, бары кыттааччылар электроннай сертификат тутуохтара.

Саамай кэрэхсэбиллээх хаартыскалар ахсынньы-тохсунньу ыйдарга Дьокуускай куорат историятын музейын ретро-быыстапкатыгар кыттыахтара. Куонкурус кыттыылаахтара хаартыскаларын музей пуондатын хаҥатыыга биэриэхтэрин сөп.

Сайаапкалары 2022 сыл ахсынньы 1 күнүттэн ахсынньы 18 күнүгэр диэри (ити күнү киллэрэн туран) хомуйаллар. Билсэр төлөпүөн: +7 (4112) 402583.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.