02.07.2020 | 19:04

Дьиэ кэргэн куонкуруһугар кыттыҥ

Дьиэ кэргэн куонкуруһугар кыттыҥ
Ааптар: Киин Куорат
Бөлөххө киир

Дьокуускай куорат дьаһалтатын култуураҕа уонна духуобунай сайдыыга управлениета “Дьиэ кэргэн альбома” диэн дистанционнай куонкуруһу биллэрэр. Онлайн тэрээһин бэс ыйын 29 күнүттэн от ыйын 8 күнүгэр диэри, Дьиэ кэргэн, таптал уонна бэриниилээх буолуу күнүн көрсө ыытыллар.

Киирбит үлэлэри @upravlenie_cultury_yakutsk инстаграм аккауҥҥа таһааран иһиэхтэрэ. Номнуо хас да дьоллоох дьиэ кэргэн хаартыскаларын ыыппыттар.

Дьүүллүүр сүбэ үлэлэри  от ыйын 7 күнүгэр 5 номинациянан сыаналыаҕа:

  • “Биһиги эйэлээх дьиэ кэргэммит” (ханнык баҕарар дьиэ кэргэнинэн түспүт хаартыскаҕыт);
  • “Биһиги айанныырбытын сөбүлүүбүт” (дьиэ кэргэнинэн атын дойдуларга сылдьар хаартыскаларгыт, кэрэ-бэлиэ сирдэр, муора кытыла, о.д.а.);
  • “Дьиэ кэргэн үтүө үгэһэ” (дьиэ кэргэнинэн сөбүлүүр, үлүһүйэр, умсугуйар дьарыккыт);
  • “Чөл олоҕу тутуһабыт” (оҕолуун, төрөппүттэрдиин физкультуранан, спордунан дьарыккыт, күрэхтэһиилэргэ кыттыбыт хаартыскаларгыт);
  • “Национальнай көстүүм” (дьиэ кэргэнинэн национальнай таҥастаах);
  • “Көрөөччүлэр биһирэбиллэрэ” (тэрийээччилэр аккауннарыгар тахсыбыт, саамай элбэх куолаһы хомуйбут кыттааччылары быһаарыахтара, хас биирдии номинацияҕа тус-туспа кыайыылаах баар буолуоҕа).

Сүрүн ирдэбиллэр:

  • кыттааччылар от ыйын 7 күнүгэр диэри инстаграмҥа хаартыскаларын угаллар;
  • ханнык номинацияҕа кытталларын хайаан да ыйаллар;
  • дьиэ кэргэннэрин туһунан кылгастык суруйаллар;
  • @upravlenie_cultury_yakutsk инстаграм аккауҥҥа суруйтараллар;
  • #семейныйальбом_якутск диэн хэштеги туруораллар;
  • куонкурус кэмигэр аккауннара аһаҕас буолуохтаах;
  • хас биирдии дьиэ кэргэн элбээбитэ үс номинацияҕа кыттар, онуоха хаартыскаларын тус-туспа угар;

Түмүк от ыйын 8 күнүгэр 15.00 ч тэрийээччи аккаунугар тахсыаҕа. Кыайыылаахтарга бириистэрин тиэрдэн биэриэхтэрэ.      

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
Уопсастыбаннай туоналарга куоластыырбытын умнубаппыт
Сонуннар | 03.04.2024 | 10:30
Уопсастыбаннай туоналарга куоластыырбытын умнубаппыт
Кулун тутар 15 – муус устар 30 күннэригэр эһиил, 2025 сылга, тупсарарга былааннанар эбийиэктэри быһаарар Бүтүн Арассыыйатааҕы куоластааһын буолар турар. Куоластааһыҥҥа 14-тэн үөһэ саастаах Арассыыйа гражданнара 14.gorodsreda.ru балаһааккаҕа киирэн, сөбүлээбит бырайыактарын талан кыттыахтарын сөп.  Дьокуускай куорат олохтоохторо быйыл Гагарин аатынан сквер, Щорс күөлүн кытыла, Сэргэлээх күөлүн кытыла (ДСК оройуона), Теплай...