27.06.2022 | 17:39

Дьиэ кэргэн бизнеһин өйүүр киин арылынна

Дьиэ кэргэн бизнеһин өйүүр киин арылынна
Ааптар: Киин Куорат

Бэс ыйын 27 күнүгэр Дьокуускайга Дьиэ кэргэн бизнеһин өйүүр киини арыйдылар. Киин күлүүһүн вице-премьер Ольга Балабкинаҕа үөрүүлээх быһыыга-майгыга туттарыы сиэригэр-туомугар Арассыыйатааҕы Атыы-эргиэн палататын вицэ-бэрэсидьиэнэ Елена Дыбова туттарда.

Арассыыйа үрдүнэн бу төрдүс киин үлэлээтэ. Эрдэ маннык кииннэр Нижний Новгородка, Уфаҕа, Рязань куоракка бааллар.

Киин арыллыыта Саха АССР үбүлүөйдээх сылыгар сөп түбэспитэ икки бүк үөрүүлээҕин Ольга Балабкина тоһоҕолоон бэлиэтээтэ: “Биһиги региоммут демографическай көрдөрүүлэринэн Уһук Илиҥҥэ бастакы, Арассыыйа үрдүнэн сэттис миэстэҕэ сылдьар. Биһиэхэ дьиэ кэргэнинэн төрүт дьарыгы утумнааһын, ыалынан, халыҥ аймаҕынан бизнеһи сайыннарыы холобурдара элбэхтэр”, - диэтэ кини.

Бу көрсүһүүгэ этиллибитинэн, коронавирус пандемиятын кэмигэр Саха сиригэр биир да дьиэ кэргэн бизнеһэ эстибэтэх. Саха сирэ Арассыыйаҕа дьиэ кэргэн бизнеһин сайыннарыыга бэһис миэстэҕэ сылдьар. Онон саҥа киин үлэтэ дьоҥҥо чахчы туһалаах буолара күүтүллэр. Бу кииҥҥэ бэйэ дьыалатынан дьарыктанааччылар сүбэ-ама ылыахтарын, бааннартан уһун болдьохтоох кирэдьииттэри ыларга көмөлөһүннэриэхтэрин сөп.

Атыы-эргиэн палататын салайааччыта Елена Дыбова кэпсээбитинэн, дьиэ кэргэн хампаанньаларын үбү-харчыны эргитиилэрэ сылга 28 млрд. солк. тэҥнэһэр; Арассыыйа үлэлиир хампаанньа 74 бырыһыана дьиэ кэргэн бизнеһэ буолар; дойдубутугар оҥоһуллан тахсар килиэп үс гыммыт биирэ – дьиэ кэргэн предпринимательствотын хайысхатынан тахсар; фермердэр хаһаайыстыбаларын 99 бырыһыана – дьиэ кэргэн бизнеһэ; чааһынай оскуолалар 95 бырыһыаннара – дьиэ кэргэн бэйэ дьыалатын быһыытынан үлэлии-хамсыы олороллор.

Дьокуускайга буолан ааспыт Бүтүн Арассыыйатааҕы дьиэ кэргэн сэбиэтин мунньаҕа Арассыыйа 21 регионун түмтэ. Кыттааччылар уопут астастаһаллар, сибээстэри олохтууллар. Ыалдьыттар Саха сирин бизнеһинэн дьарыктанар дьиэ кэргэттэрин кытта билсиэхтэрэ, сессионнай балаһааккалар, трениннэр ыытыллыахтара.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.