28.07.2022 | 12:00

Дьиэ былаанын уларытааччыларга

Сайын – өрөмүөнүн кэмэ. Бу түбүктээх, үгүс сыраны уонна сокуону билиини эрэйэр үлэ чуолаан дьиэ былаанын уларыта тутуу чааһыгар СӨ Тутуу уонна дьиэ-уот надзорун судаарыстыбаннай управлениетын салайааччытын солбуйааччы Павел Корнилов быһаарар.
Дьиэ былаанын уларытааччыларга
Ааптар: СӨ Тутуу уонна дьиэ-уот надзорун судаарыстыбаннай управлениетын пресс-сулууспатын матырыйаалынан
Бөлөххө киир

Павел Валерьянович, дьиэ былаанын уларытыах иннинэ сөпсөһүннэрии ыытыллыахтаах. Ол бэрээдэгин туһунан кэпсээ эрэ.

– Оннук. Туох-хайа иннинэ дьиэни бас билээччи СРО-лаах  бырайыактыыр-техническэй тэрилтэҕэ тахсан, дьиэтин уларытар былаанын, эскииһин оҥорторор.

Ол бырайыагын уонна ирдэнэр докумуоннарын, Дьокуускай куоракка олорор буоллаҕына, Дьиэ-уот сыһыаннаһыыларыгар департамеҥҥа тиксэрэр, улуус олохтооҕо – олохтоох дьаһалтаҕа. Маннык өҥөнү итини сэргэ МФЦ офистара уонна e-yakutia.ru судаарыстыбаннай уонна муниципальнай өҥөлөр порталлара оҥорор.

Ирдэнэр докумуоннар:

– Дьиэ бырайыагын уларытары сөпсөһүннэрэр туһунан сайабылыанньа;

– Дьиэ былаанын уларытыы бырайыага;

– Дьиэни бас билэри туоһулуур докумуоннар;

– Дьиэ техпааспара;

– Дьиэни атын бас билээччилэр суругунан сөбүлэҥнэрэ;

– Дьиэ былааныгар уларытыылары киллэрэри көҥүллүүр туһунан дьиэни бас билээччилэр уопсай мунньахтарын быһаарыыта (дьиэ былаанын уларытыы уопсай дьиэ олохтоохторо бары туһанар сирдэригэр сыһыаннаах түгэнигэр).

Бу испииһэги таһынан эбии чопчулуур докумуоннар ирдэниэхтэрин сөп. Онуоха Дьиэ-уот сыһыаннаһыыларыгар департаментан эбэтэр олохтоох дьаһалтаттан консультация ылыахха наада.

– Сайабылыанньа төһө өр көрүллэрий?

Киирбит докумуоннар халандаар 45 хонугун иһигэр көрүллэллэр. Биэдэмистибэлэр икки ардыларынааҕы хамыыһыйа эбийиэккэ иккитэ – үлэ саҕаланыан уонна бүппүтүн кэннэ – сылдьар. Үлэ бырайыакка сөп түбэһэр гына оҥоһуллубут буоллаҕына, аак баттанар.

Дьиэҕэ саҥа характеристикалар киирбит түгэннэригэр, ол техническэй былааҥҥа ыйыллыахтаах. Онуоха дьиэни бас билээччи БТИ, ол кэннэ Кадастровай палатаҕа эбэтэр МФЦ тиийэн, Хамсаабат баай-дуол биир кэлим судаарыстыбаннай реестригэр уларытыылары киллэртэрэр.

– Дьиэ былаанын уларыта тутарга туох көҥүллэммэтий?

Холобура, санузел олорор эбэтэр көмө помещениелар суоттарыгар кэҥиирэ көҥүллэммэт, ванна эбэтэр туалет анныгар олорор помещение суох буолуохтаах, хапытаалынай истиэнэни көтүрэр эмиэ көҥүллэммэт. Бу уонна атын ымпыгы-чымпыгы бырайыактыыр тэрилтэлэр билэллэр, сүбэлээн-амалаан, быһааран биэрэр эбээһинэстээхтэр.

– Аккаас кэлэр түгэнигэр, биричиинэтэ туох буолуон сөбүй?

Сүрүннээн бырайыакка сөп түбэспэт гына уларытыыга аккаас буолар. Эбэтэр элбэх кыбартыыралаах дьиэ олохтоохторун сөбүлэҥэр аҕыйах киһи илии баттаабыт буоллаҕына.

Көҥүлэ суох уларытыы ыстарааба төһөнүй?

Физическэй сирэйгэ – 2 тыһ. солк. 2,5 тыһ. солк. диэри; дуоһунастаах сирэйгэ – 4 тыһ. солк. 5 тыһ. солк. диэри; юридическай сирэйгэ – 40 тыһ. солк. 50 тыһ. солк. диэри.

2021 сыллаахха СӨ Тутуу уонна дьиэ-уот надзорун судаарыстыбаннай управлениета дьиэ бырайыагын көҥүлэ суох уларытыыга сыһыаннаах 75 боротокуолу толорбута. 2022 сыл бастакы аҥаарыгар маннык ис хоһоонноох 10 боротокуол толорулунна.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...