17.11.2022 | 18:44

Дьиҥ олохтон кэпсээн ааптарын кытта көрсүһүү

Дьиҥ олохтон кэпсээн ааптарын кытта көрсүһүү
Ааптар: Тамара Винокурова, биэнсийэлээх, бэтэрээн-учуутал
Бөлөххө киир

Суруналыыс Сардана Сивцева-Санаайаны кытта олус истиҥ көрсүһүү, билсиһии буолла. Биһиги кинини “Три кувшина” диэн бу соторутааҕыта “Айар” кинигэ кыһатыгар бэчээттэнэн тахсыбыт айымньы ааптарын быһыытынан биллибит.
Кинигэҕэ сэһэн, кэпсээннэр киирбиттэр.  “Три кувшина” диэн сэһэн сүрүн дьоруойа Өймөкөөн улууһун Төрүт нэһилиэгин олохтооҕо Константин Чачуа буолар.  Кинигэҕэ кини уустук, чэпчэкитэ суох дьылҕата киһини эрэ долгутар гына суруллубут. Аҕа дойду Улуу сэриитин кэмигэр өстөөхтөргө билиэҥҥэ түбэһэн, көҥүлэ быһыллан, сыылкаҕа ыраах Саха сиригэр кэлэргэ күһэллибит киһи Төрүккэ олохсуйан, ыал буолан, оҕо-уруу төрөтөн, 93 сааһыгар диэри олорбут.
Кини буруйа суоҕун дакаастыырга улахан үлэни кыраайы үөрэтээччи Сергей Егоров ыыппыт эбит.
Ааптар Сардана Сивцева-Санаайа айымньыта олох дьиҥнээх чахчыларга олоҕуран суруллубута киһини эрэ уйадытыах курдук.


Кини бу Чачуаларга олох аймах, уруу эбит. Кини кыыһын кэргэнэ Темур, Константин Чачуа сиэнэ.  Биир сиэн Дамир аҕыйах сыллааҕыта күннээх Грузияҕа тиийэн аймахтарын булбутун туһунан өрөспүүбүлүкэ бэчээтигэр сырдатыллан турар.
Оттон Темур кэргэнин, икки оҕотун кытта  урууларын кытта чугастык билсэн, алтыһан Грузияҕа икки кыһын кыстаабыттар.
Константин Чачуа олоҕун устатын тухары төрөөбүт дойдутун, дьонун-сэргэтин наһаа ахтара, саныыра эбитэ үһү. Онон кини сыдьааннара эһэлэрин, хос эһэлэрин дойдутун кытта быстыспат сибээһи олохтообуттара олус долгутуулаах.

Бу кинигэ 2500 ахсаанынан тахсыбыт. Киэҥ эйгэҕэ тарҕанан, элбэх ааҕааччы биһирэбилин ылыа диэн эрэнэбит.

Сардана бу айымньы тахсарыгар улахан көмөнү оҥорбут, сөптөөх информацияны биэрбит киһинэн Слепцов Спиридону ааттаата.
Сергей Егоров үбүлүөйүгэр аналлаах Төрүккэ ыытыллар тэрээһинҥэ кыттарга бэлэмин биллэрдэ. Бу кинигэҕэ өссө сэҥээрбит, сөбүлээбит түгэммит –  “Мал золотник, да дорог” диэн өр сылларга Өймөкөөн улууһугар баһылыгынан үлэлээбит В.А. Местниковка анаммыт очерк буолла. Ол курдук Сардана Василий Александрович дьокутаатынан талыллар быыбарыгар үлэлэспит дьоннортон биирдэстэрэ эбит.
“Халыма дьоно кинини улахан махталынан ахталлар, саныыллар. Бэрт элбэх үтүө дьыаланы  оҥорбут, дьиҥнээхтик дьон туһугар үлэлээбит дьокутаат кини буолар” диэбитин үөрэ иһиттибит
“Өймөкөөн” НКО чилиэнэ Ф. Румянцева тус бэйэтин харчытынан 8 кинигэни атыылаһан, ааптар илии баттааһыннаах, баҕа санаа суруктаах, улууспут орто оскуолаларыгар бэлэх ыытыаҕа.
Үүнэр көлүөнэ, эдэр ыччат, оҕолор “Три кувшина” диэн кинигэни ааҕан, сүрэхтэригэр, дууһаларыгар чугастык ылынан, булгуруйбат күүстээх санаалаах, патриот, хорсун саллаат, бастыҥ ыал аҕата, эһэтэ олоҕун холобур оҥостоллоругар баҕарабыт.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...