Депутаттар бүддьүөккэ дохуот киириитин көрдүлэр

Алтынньы 22 күнүгэр куорат Дууматын депутаттара Сергей Черных бэрэссэдээтэллээх бүддьүөт-экономика политикатыгар сис хамыыһыйатыгар Дьокуускай куорат уокуругун бүддьүөтүгэр 9 ый түмүгүнэн нолуоктан киирбит уонна онтон атын дохуоту көрдүлэр. 
Уокуруктааҕы дьаһалта үпкэ Департаменын начаалынньыга Ольга Максимова информациятынан, 2021 сылга куорат бүддьүөтүгэр нолуоктан киирбит уонна атын дохуот чуолкайдаммыт былаана 8,1 млрд. солк. эбит, ол иһигэр нолуоктан дохуот – 7,6 млрд. солк., атын дохуот – 455 мөл. солк.
2021 сыл 9 ыйыгар нолуоктан киирбит уонна атын дохуот 6,1 млрд. солк. эбэтэр 76,4% чуолкайдаммыт сыллааҕы былааҥҥа тэҥнэспит, былырыыҥҥы сылга тэҥнээтэххэ 17,5% үрдээһиннээх.
Арассыыйа ФНС СӨ 5 №-дээх Оройуоннар икки ардыларынааҕы инспекциятын начаалынньыга Владимир Тихонов иһитиннэрбитинэн, чуолкайдаммыт былааҥҥа нолуоктан киирбит дохуот 5,8 млрд. солк. эбэтэр 77,1 % буолбут, былырыыҥҥы сылы кытта тэҥнээтэххэ 18,7% үрдээбит. Кини эппитинэн, ити үрдээһин физическэй сирэйдэр дохуоттарыттан киирбит нолуок суотугар оҥоһуллубут. 
Гордуума депутаттара Арассыыйа ФНС СӨ 5 №-дээх Оройуоннар икки ардыларынааҕы инспекциятын уонна Уокуруктааҕы дьаһалта хаачыстыбалаах үлэлэрин бэлиэтээтилэр.  
Куорат бүддьүөтүгэр киирбит нолуоктан атын дохуоттар 291 мөл. солк. эбэтэр 64,0% тэҥнэспиттэр, былырыыҥҥы сыллааҕар 1,4% намтааһыннаах. 
Нолуоктан атын дохуоттарга сир учаастактарын, олорбот дьиэ арендата, дивиденнар уо.д.а төлөбүрдээх өҥөлөр киирэллэр. 
Ольга Николаевна иһитиннэрбитин кэннэ, Гордуума депутаттара Уокуруктааҕы дьаһалта нолуоктан атын дохуоттары хомуйууга үлэтин ортонон сыаналаатылар уонна ити хайысханан тэрээһиннэри кэҥэтэргэ сүбэлээтилэр.