Дьэллик кыыллар дьаарбаҥкалара ыытыллыаҕа

Бэс ыйын 12 күнүгэр Дьокуускайга дьэллик кыыллар дьаарбаҥкалара буолуоҕа диэн  «Помоги выжить» волонтердар хамсааһыннара иһитиннэрэр.
Тэрээһин сарсыарда 11 чаастан киэһэ 19 чааска диэри Киров уул., 12/1, «Тыгын Дархан» ресторан ойоҕоһугар ыытыллар. 

«Баҕалаах дьон бэйэлэригэр дьиэ кыылын талан ылыахтарын, ону сэргэ стерилизация, вакцинация, көрүү-истии, аһатыы туһунан сүбэлэри ылыахтарын сөп», — дииллэр волонтердар. 
Дьаарбаҥкаҕа «Помоги выжить» волонтердар хамсааһыннарын эрэ кыыллара кыттыыны ылаллар. Нэһилиэнньэттэн, туораттан кэлбит кыыллары кыттыһыннарбаттар. 
Кыыллар бэрэбиэркэни, вакцинацияны ааспыттар, доруобуйаларын туруга үчүгэй. Кинилэри дуогабар быһыытынан биэрэллэр, ылыан баҕалаах дьон пааспардаах буолаллара ирдэнэр.  
Баҕалаахтар кыылларга аһылык, наполнитель кэһиилээх кэлиэхтэрин эбэтэр кыыллары көрөргө-харайарга көмөлөһөн эмп, харчы аҕалыахтарын сөп.  Билсэр төл.: 8 924 591-55-77 (бассаап).