13.05.2021 | 11:05

Дьабарыкы Хайаҕа тутуллубут үрүҥ эһэ инники дьылҕата быһаарыллар

Дьабарыкы Хайаҕа тутуллубут үрүҥ эһэ инники дьылҕата быһаарыллар
Ааптар: Киин Куорат
Бөлөххө киир

Ыам ыйын 11 күнүгэр Томпо оройуонун Дьабарыкы Хайа бөһүөлэгэр ыалдьыттаабыт үрүҥ эһэ өрөспүүбүлүкэ кииниттэн тэринэн тиийбит суһал бөлөҕүнэн тутулунна. Ол иннигэр олохтоохтор бу эһэни муус устар ыйын бүтэһик күннэригэр Хаандыга бөһүөлэгиттэн 120 км сиргэ көрөн тыллаабыттар. 
"Биһиги кыылы туттубут уонна бөртөлүөтүнэн Дьокуускай куоракка тириэртибит. Үрүҥ эһэ сылдьарын истээт даҕаны,  хайа диэки сылдьарын Үөһээ Дьааҥы уонна Томпо улуустарыттан биир идэлээхтэрбит, олохтоох дьаһалта уонна нэһилиэнньэ кэтии-маныы сылдьыбыттара. Кыылы тутарга биир да киһи уонна эһэ бэйэтэ эчэйбэтилэр", - диир айылҕа баайын, ООПТ уонна айылҕа пааркаларын Дирекциятын дириэктэрин бастакы солбуйааччы Анатолий Алексеев.


Үрүҥ эһэни быстах кэмҥэ «Орто Дойду» зоопаркаҕа олохтоотулар.  Бэтэринээр ыраахтан көтөн кэлбит кыыл  хайдах туруктааҕын бэрэбиэркэлээн көрбүт. Кини эппитинэн, бу 2 саастаах тыһы эһэ, этэ-сиинэ ырыган, хаҥас өттүгэр аллараа аһыыта суох эбит. 
Саха сирин экологияҕа миниистирэ Сахамин Афанасьев эппитинэн, эһэни Москва зоопаркатыгар кэтээн көрө уонна эмтэтэ илдьэр былаан баар. 
Социальнай ситимнэргэ «Үрүҥ эһэҕэ - көҥүлү» диэн аахсыйа ыытылла турар. Дьон санаата араас. Сибилигин таһааран ыытыҥ диэччилэртэн саҕалаан, ырбыт-дьүдэйбит эһэ олорор эйгэтигэр кыайан булан-талан аһыа, бэйэтин көмүскэниэ суоҕа диэччилэр бааллар. 
Үрүҥ эһэлэр Хотугу Муустаах акыйааҥҥа Эһэлэр арыыларыгар олохсуйаллар эбит. Ол Үөһээ Дьааҥы оройуонуттан быһа холоон 700-800 км, онтон Томпо оройуонуттан 1000 км кэриҥэ тэйиччи үһү. 
Санатар буоллахха, итинник түбэлтэ 2017 сыл балаҕан ыйын ортотугар Орто Халымаҕа буолбута. Онно олохтоох балыксыттар 10 ыйдаах үрүҥ эһэ оҕотун булбуттара. Кыыл нэһилиэнньэлээх пуун таһыгар быраҕыллыбыт аһы, балыгы сиирэ уонна ыттары кытта оонньуура. Кыракый адьырҕаны тутан ылан чөлүгэр түһэрэ Москва зоопаркатыгар ыыппыттара.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...