18.02.2021 | 08:53

Дьаһалта Тулагы-Киллэм нэһилиэнньэтин кытта көрүстэ

Дьаһалта Тулагы-Киллэм нэһилиэнньэтин кытта көрүстэ
Ааптар: Киин Куорат

Бэнидиэнньиккэ Дьокуускай баһылыгын эбээһинэһин толорооччу Евгений Григорьев Тулагы-Киллэм нэһилиэнньэтигэр 2020 сылга ыытыллыбыт үлэ-хамнас түмүктэрин отчуоттаата.

Тулагы-Киллэм тыа хаһаайыстыбатынан дьарыктанар нэһилиэгинэн биллэр. Онон Евгений Николаевич тыл этэригэр«Дьокуускай куорат уокуругар агропояс сайдыыта» муниципальнай бырагырааманы тоһоҕолоон бэлиэтээтэ. Ааспыт сыл түмүгүнэн нэһилиэккэ 26 хаһаайыстыба баар. Ынах сүөһү (840 төбө) уонна сылгы (898 төбө) ахсаана элбээбит.   

Евгений Григорьев Сыырдаахха баар «Саюри» тэпилииссэ комплексын үлэтин кэпсээтэ.

«2020 сылга тэрилтэ 530, 7 туонна бородууксуйаны таһаарбыт. 2019 сылга холоотоххо,  2, 2 төгүл элбэх. Үүнүүнү элбэтэр туһугар сылы эргиччи үлэлиир тэпилииссэ комплексын үһүс уочарата тутуллар», – диэн иһитиннэрдэ баһылык э.т.  Билиҥҥи туругунан эбийиэк 2021 сыл балаҕан ыйыгар үлэҕэ киирэрэ былааннанар.

Отчуот кэмигэр баһылык э.т. «Куттала суох уонна хаачыстыбалаах айан суоллара» национальнай бырайыак чэрчитинэн Дьокуускай куоракка суоллары тупсарыы, тутуу, өрөмүөннээһин боппуруостарыгар улахан болҕомтотун уурда. Манна даҕатан эттэххэ, 2020 сылга Тулагыга Связистар, Уваровская, Порядин уулуссалара өрөмүөннэммитэ.

Евгений Николаевич сүрүн социальнай өйөбүллэри, ол иһигэр муус устар 1 күнүттэн 5-11 кылаас үөрэнээччилэрэ куорат таһынааҕы бөһүөлэктэргэ босхо айанныыр буолалларын кэпсээтэ. Маныаха куорат бүддьүөтүттэн 20 мөлүйүөн солкуобай көрүллүөҕэ. Тулагы-Киллэм нэһилиэгин олохтоохторугар аадырыһынан материальнай көмө оҥоһулларыгар  833 тыһыынча солкуобай тыырыллыбыт.

Нэһилиэк олохтоохторо дьаһалта тыа хаһаайыстыбатын өйүүрүн, баһаарынай чаас тутуутун туруорустулар. Оттуур, мэччирэҥ сир, о.д.а. боппуруостарын көтөхтүлэр. Ыйытыылар бары боротокуолга киирдилэр.

Тулагы-Киллэм нэһилиэнньэтэ Дьокуускай куорат дьаһалтатын 2020 сылга ыыппыт үлэтин-хамнаһын “туйгун” диэн сыаналаата.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...